قازاق عالىمدارى بيدايدىڭ جاڭا سۇرپىن تانىستىردى

قارابالىق اۋىل شارۋاشىلىعى تاجىريبە ستانتسياسى «كۋدەسنيتسا» اتتى جۇمساق جازدىق بيدايدىڭ جاڭا سۇرپىن ۇسىنىپ, وتاندىق بيداي سۇرىپتارىنىڭ قاتارىن قايتا تولىقتىردى.

عالىمداردىڭ ايتۋىنشا, بۇل سۇرىپ كەرەمەت ەرگونوميكالىق سيپاتتامالارعا جانە جوعارى ونىمدىلىككە يە.

«جاڭا «كۋدەسنيتسا» سۇرپى 79 كۇندىك ۆەگەتاتسيالىق كەزەڭنەن تۇراتىن ورتا ماۋسىمدىق توپقا جاتادى. كونكۋرستىق سۇرىپتى سىناۋ جىلدارىندا ونىڭ ورتاشا ونىمدىلىگى گەكتارىنا 25 تسەنتنەردى قۇرادى, بۇل ستاندارتتى سۇرىپتىڭ ونىمدىلىگىنەن ەداۋىر اسىپ تۇسەدى, اتاپ ايتقاندا ءبىر گەكتار 22 تسەنتنەردى قۇرايدى. سوۇرىپتىڭ نەگىزگى سيپاتتامالارىنىڭ ىشىندە داندەگى اقۋىز مولشەرى 14,5%, شيكى گليۋتەن 35,6% جانە جالپى ناۋبايحانا باعاسى 4,9 باللدى قۇرايدى», دەپ حابارلادى ۇاعببو-نىڭ ءباسپاسوز قىزمەتى.

سونداي-اق جاڭا سۇرىپ قۇرعاقشىلىققا جانە جوعارى تەمپەراتۋراعا شىدامدى.

«بۇل سۇرىپ جازدىق جۇمساق بيداي وسىرىلەتىن ايماقتارعا ارنالعان. ەگىس الدىندا تۇقىمداردى مىندەتتى تۇردە مارينادتاۋ قاجەت, ال ەگۋ جىلدامدىعى گەكتارىنا 3,8-4 ميلليون ءداندى قۇرايدى. ماماندار ەگىستى 22-25 مامىر ارالىعىندا وتىرعىزۋعا كەڭەس بەرەدى», دەلىنگەن حابارلامادا.