«JUMYSTAP.kz» پلاتفورماسىنا ءبىر اي ىشىندە استانانىڭ 600-دەن استام ءىرى جانە جەلىلىك جۇمىس بەرۋشىلەرى قوسىلدى. مۇندا تسەح وپەراتورلارىنىڭ پوزيتسياسىنان باستاپ ديزاينەردىڭ قاشىقتان جۇمىس ىستەۋىنە دەيىنگى ەكونوميكانىڭ بارلىق نەگىزگى سالالارى بويىنشا قىزمەتكەرلەر مەن تاپسىرىس بەرۋشىلەردى ىزدەۋ تۋرالى مىڭنان استام حابارلاندىرۋ ۇسىنىلعان.
«سايت وتە ىڭعايلى, جۇمىس بەرۋشىلەرگە Whatsapp ارقىلى تىكەلەي جازا الاسىز. كوپتەگەن جۇمىس ورىندارى كۇن سايىن جاڭارتىلادى. مەن بىرنەشە اي بۇرىن استاناعا كوشىپ كەلىپ, ىڭعايلى كەستەمەن جۇمىس ىزدەپ ءجۇرمىن. ەندىگى دۇكەنگە تاعىلىمدامادان ءوتۋ جونىندە حابارلاستىم», - دەدى پلاتفورمانىڭ قولدانۋشىسى اسەم.
باستاپقىدا پلاتفورما تەك «JOLTAP» جوباسىنىڭ تۇلەكتەرىنە ارنالعان. الايدا كوپتەگەن ادامنىڭ وتىنىشتەرى بويىنشا تىركەۋ بارلىق ادامدار ءۇشىن اشىق بولىپ وتىر.
جۇمىس تاپ
فوتو: استانا قالاسىنىڭ اكىمدىگى
تىگىن ءىسى بويىنشا كۋرستاردىڭ تۇلەگى اينۇر استاناداعى جۇمىسسىزدىقپەن كۇرەسۋدىڭ كەشەندى ءارى ءتيىمدى ءتاسىلىن ەرەكشە اتاپ ءوتتى.
«جوبا ۇيىمداستىرۋشىلارىنا وسىنداي مۇمكىندىك جاساعانى ءۇشىن العىس ايتقىم كەلەدى. مەن كوپتەن بەرى تىگىن شەبەرلىگىن يگەرگىم كەلىپ جۇرگەن. قاڭتار ايىنان باستاپ جاڭا ءومىر باستاۋعا شەشىم قابىلداپ, «ۆسترەچا» ساۋدا ءۇيىنىڭ جانىنداعى «JOLTAP» جوباسىنىڭ مودۋلدىك پۋنكتىنە باردىم. ماعان بارلىق قولداۋ شارالارى بويىنشا كەڭەس بەرىلىپ, وقۋعا جازىلدىم, بىرنەشە ايدان كەيىن وقۋ سىنىبىنا شاقىرىلدىم. سىنىپتار جوعارى دەڭگەيدە جابدىقتالعان. ءبىر اي بويى بىزگە تىگىن پراكتيكاسى ۇيرەتىلدى. ءبىزدى ۇنەمى جوبا توبى الىپ ءجۇردى. سەرتيفيكات العاننان كەيىن دە ماعان پلاتفورمادا تىركەلۋگە كومەكتەستى. پلاتفورما ارقىلى مەن تۇرىك-قازاق تىگىن فابريكاسىندا بوس ورىن بارىن ءبىلىپ, وسىندا ەكى اپتادان بەرى جۇمىس ىستەپ ءجۇرمىن», - دەپ ءبولىستى قالا تۇرعىنى.
«JUMYSTAP.kz» پلاتفورماسىندا «JOLTAP» جوباسىنىڭ تۇلەكتەرىنە 15 داعدى بويىنشا – 7 تسيفرلىق (SMM, سايتتاردى ازىرلەۋ, بەينەمونتاج, گرافيكالىق ديزاين, موبيلوگرافيا, ماركەتپلەيستەردەگى ساۋدا, تارگەت) جانە 8 جۇمىس داعدى (تىگىنشى, سانگەر-كونسترۋكتور, بۋحگالتەرلىك ەسەپ نەگىزدەرى, كورپۋستىق جيھاز جاساۋ نەگىزدەرى, ساتۋشى - كاسسير, ەلەكتر گازبەن دانەكەرلەۋشى) ۇسىنىلدى, باريستا, اياق كيىمدى جوندەۋ) بويىنشا جۇمىستار ۇسىنىلعان.
پلاتفورما جۇمىس بەرۋشىلەر ءۇشىن دە, جۇمىس ىزدەۋشىلەر ءۇشىن دە اقىسىز جانە كوميسسياسىز ءارى دەلدالدارسىز. حابارلاندىرۋلار مەن ىزدەنۋشىلەر پۋلى بويىنشا ىڭعايلى ىرىكتەۋ قاراستىرىلعان.
پلاتفورما تۋرالى بارلىق سۇراقتار بويىنشا «JOLTAP2» جوباسىنىڭ Call-ورتالىعىنا حابارلاسۋعا بولادى:
+7 707 221-31-31.
