فوتو: «قازمۇنايگاز» ۇك اق
ايتا كەتەيىك, دامير ءاشىموۆ «قازمۇنايگاز» جۇيەسىندە 15 جىلدان اسا ۋاقىت جۇمىس ىستەپ كەلگەن. ول ەڭبەك جولىن «پاۆلودار مۇناي-حيميا زاۋىتى» جشس-دە تەحنولوگيالىق قوندىرعىلار وپەراتورى بولىپ باستاعان. قمگ ورتالىق اپپاراتىندا مۇناي وڭدەۋ جانە مۇناي حيمياسى دەپارتامەنتىندە ءتۇرلى لاۋازىمدا بولعان. 2018 جىلدان باستاپ «KPI» جشس-دە باسشىلىق قىزمەتتەردى, سوڭعى ۋاقىتتا كاسىپورىننىڭ ءوندىرىس جونىندەگى ديرەكتورى — باس ينجەنەرى قىزمەتىن اتقارعان.
قمگ باسشىسى زاۋىتتىڭ بۇرىنعى باس ديرەكتورى دانيار تيەسوۆكە قۋاتى جىلىنا 500 مىڭ توننا پوليپروپيلەن وندىرەتىن العاشقى ينتەگراتسيالانعان گاز حيميا كەشەنىن — KPI سالۋعا جانە ىسكە قوسۋعا قوسقان ۇلەسى ءۇشىن ريزاشىلىعىن ءبىلدىردى.
«قازمۇنايگاز» ۇك اق باسقارما توراعاسى اسحات حاسەنوۆ KPI وزىق تەحنولوگيالىق جابدىقتار ورناتىلعان ەلىمىزدىڭ ونەركاسىپتىك كەشەندەرىنىڭ ءبىرى ەكەنىن اتاپ ءوتىپ, KPI-ءدىڭ جاڭا باسشىسىنا كاسىپورىننىڭ تۇراقتى جۇمىسىن قامتاماسىز ەتۋ جانە ەنەرگيا سەنىمدىلىگىن ارتتىرۋ بويىنشا بىرقاتار مىندەت جۇكتەدى.
سونىمەن قاتار جيىن بارىسىندا ەلدىڭ ىشكى سۇرانىسىن قامتاماسىز ەتۋ ماقساتىندا وتاندىق پوليپروپيلەن وڭدەۋشى كومپانيالارمەن تۇراقتى ءارى ءتيىمدى ءوزارا ءىس-قيمىلدى جالعاستىرۋدىڭ قاجەتىنە نازار اۋدارىلدى.
