فوتو: ۆيدەوسكرين
ءۇسىپحان سەيتىمبەت 1960 جىلى وڭتۇستىك قازاقستان وبلىسىنا قاراستى كەلەس اۋدانىنىڭ يگىلىك اۋىلىندا دۇنيەگە كەلدى. رەسپۋبليكالىق ەسترادا-ونەر ستۋدياسىن 1979 جىلى ءتامامداپ, الماتى وبلىستىق فيلارمونياسىنا جۇمىسقا قابىلدانعان. 1983 جىلى ت.جۇرگەنوۆ اتىنداعى تەاتر جانە كوركەمسۋرەت ينستيتۋتىنا وقۋعا تۇسكەن.
م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرلىك قۇرامىنا 1999 جىلى قابىلدانعان ول م.اۋەزوۆتىڭ «ابايىندا» نارىمبەت پەن دولگوۆتى, ي.ساپاربايدىڭ «سىعان سەرەناداسىندا» باروندى, شەكسپيردىڭ «رومەو مەن دجۋلەتتاسىندا» جۇرگىزۋشىنى جانە تاعى دا باسقا رولدەردى سومداعان. انشىلىك ونەردى دە جانىنا سەرىك ەتكەن.
1986 جىلعى جەلتوقسان وقيعاسىنا قاتىسقان.
ءۇسىپحان سەيتىمبەت «قۇرمەت» وردەنىنىڭ يەگەرى (2019 جىلى). ودان بولەك «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالىنىڭ (2016 جىلى) جانە «مادەنيەت سالاسىنىڭ ۇزدىگى» مەدالىنىڭ يەگەرى (2018 جىلى).
