فوتو: قاراعاندى وبلىسى اكىمدىگى
«جاستار تازا قازاقستان ءۇشىن!» ەكواكتسياسىنا 100 قالا تۇرعىنى قاتىستى.
«بيىل ءبىزدىڭ سۇيىكتى قالامىزعا 70 جىل تولادى. ءبىز, جاستار, ساراندى ودان دا تازا جانە ادەمى ەتكىمىز كەلەدى. قالا مەن ەلدىڭ بولاشاعى ءۇشىن جاۋاپكەرشىلىكتى ءوز موينىمىزعا الۋعا دايىنبىز. ءبىز ۇنەمى ەكواكتسيالارعا قاتىسامىز. جاز بويى «جاسىل ەل» ەڭبەك جاساقتارى جۇمىس ىستەدى. بارشا تۇرعىنداردى قورشاعان ورتانىڭ تازالىعىن ساقتاۋعا نەمقۇرايدى قاراماۋعا شاقىرامىز. بولاشاقتا ەكولوگيانىڭ جاقسى بولۋى وزىمىزگە بايلانىستى», دەيدى ساران جاستار رەسۋرستىق ورتالىعىنىڭ باسشىسى ءساندى اقانوۆا.
ءساۋىر ايىنىڭ باسىندا مەملەكەت باسشىسىنىڭ باستاماسىمەن قولعا الىنعان «تازا قازاقستان» رەسپۋبليكالىق اكتسياسىن ەل ازاماتتارى ءبىر اۋىزدان قولدادى. وسىلايشا, ساراندا بۇل ءىس-شاراعا 360 ۇجىم, 12 مىڭنان استام تۇرعىن قاتىستى. 14 مىڭ توننا قالدىق شىعارىلدى. ساياباقتار مەن گۇلزارلار قوقىستان تازارتىلدى, ءتۇرلى اعاشتاردىڭ 3 مىڭنان استام كوشەتتەرى ەگىلدى, تاريحي جانە مادەني ەسكەرتكىشتەردىڭ ماڭى جينالدى.
ايماقتا ەكولوگيالىق اكتسيالار ودان ءارى جالعاسادى. مىندەت – وبلىستىڭ ءار بۇرىشىن قامتۋ, قالالار مەن اۋىلداردى تازا ۇستاۋ.
