فوتو: وقۋ-اعارتۋ مينيسترلىگى
«مامان دايارلاۋداعى ماڭىزدى قادام – بيزنەسپەن ىنىماقتاستىق قۇرۋ بولىپ تابىلادى. قازىرگى ۋاقىتتا 518 كاسىپورىن دۋالدى وقىتۋ, شەفتىك قامقورلىققا بەرۋ سەكىلدى ءتۇرلى ءوزارا ىنتىماقتاستىق قۇرالدارىن قولدانا وتىرىپ, 410 كوللەدجبەن تىعىز قارىم-قاتىناستا جۇمىس جاساپ جاتىر. بۇل ستۋدەنتتەردى پراكتيكالىق دايىندىقپەن جانە جۇمىسپەن قامتاماسىز ەتۋگە ءوز سەپتىگىن تيگىزەدى. قازاقستاندا كوللەدج تۇلەكتەرىنىڭ جۇمىسقا ورنالاسۋ كورسەتكىشى 79%-دى قۇرايدى», دەپ اتاپ ءوتتى مينيستر عاني بەيسەمباەۆ.
بۇگىندە 772 كوللەدج 565 مىڭ ستۋدەنتكە ءبىلىم بەرىپ وتىر, ونىڭ ىشىندە 177 مىڭ ستۋدەنت بيىل وقۋعا قابىلدانعان. 91 مىڭ ستۋدەنت دۋالدى وقۋمەن قامتىلعان.
مەملەكەت باسشىسىنىڭ تاپسىرماسىمەن بيىلعى وقۋ جىلىنان باستاپ كوللەدجدەردە مەملەكەتتىك تاپسىرىس كولەمى بىلتىرعى جىلمەن سالىستىرعاندا 12 مىڭعا ارتىپ, 145 مىڭ ورىندى قۇراعان. وسىلايشا, سۇرانىسقا يە ماماندىقتار بويىنشا ستۋدەنتتەردى تەگىن تەحنيكالىق جانە كاسىپتىك ءبىلىم بەرۋمەن قامتۋ 90%-عا جەتىپ وتىر.
