كوللاجدى جاساعان – الماس ماناپ, «ەQ»
ماسەلەن, پرەزيدەنت اگروونەركاسىپ كەشەنىنە ينۆەستيتسيا تارتۋ – وتە ماڭىزدى مىندەت ەكەنىن العا تارتتى. بۇل سالا مەملەكەتتىڭ قارجىسىنا عانا يەك ارتىپ وتىرماۋى كەرەكتىگىن جەتكىزدى. ول ءۇشىن كوممەرتسيالىق بانكتەردىڭ قاراجاتىن دا تارتۋدى تىلگە تيەك ەتتى. ديقاندارعا ءوسىمى از نەسيە بەرۋگە مەملەكەتتىك قارجى ينستيتۋتتارىن سۋبسيديالاۋ شارالارى قولعا الىنعانى, بانكتەر وسىنداي تاجىريبەنى قولدانۋى كەرەكتىگىن ەسكەرتتى. بۇل وتە دۇرىس ۇسىنىس دەپ ەسەپتەيمىن. ويتكەنى شارۋالاردىڭ قاجەتتى قاراجاتقا تەز ارادا قول جەتكىزۋىنە, نەسيە الۋدى وڭتايلاندىرۋعا جول اشاتىن ءتيىمدى تەتىك قاجەت-اق.
سونىمەن قاتار پرەزيدەنت اۋىل شارۋاشىلىعىنداعى تاعى ءبىر وزەكتى ماسەلەنى ءدوپ باسىپ ايتتى. مىسالى, اۋىل شارۋاشىلىعى ماقساتىنداعى جەرلەردى يگەرمەي وتىرعاندار بار. ونى نە ءوزى پايدالانبايدى, نە وزگەگە بەرمەيدى. قازىرگى ۋاقىتتا پايدالانىلماي جاتقان جەرلەر مەملەكەت مەنشىگىنە قايتارىلىپ جاتىر, بىراق بۇل جۇمىس ءالى اياقتالعان جوق. جەڭىلدىكپەن نەسيە الىپ, شارۋاشىلىقپەن اينالىسقىسى كەلەتىن اۋىل ازاماتتارى جەر ماسەلەسىمەن بەتپە-بەت كەلەدى. وسى ماسەلەنى تەز شەشۋدى پرەزيدەنت شەگەلەپ تۇرىپ تاپسىردى. بۇل تۇرعىدا مەملەكەت باسشىسى «بىزگە مۇنداي جەر يەلەرىنىڭ قاجەتى جوق. ۇكىمەت پەن باس پروكۋراتۋرا ولارعا قاتىستى ماسەلەنى مىقتاپ قولعا الۋعا ءتيىس» دەدى. راسىندا, اۋىل شارۋاشىلىعىن دامىتۋ الدىمەن جەر ماسەلەسىن شەشۋ جۇمىستارىن ءتيىمدى جۇرگىزۋدەن باستالادى.
مەملەكەت باسشىسى سۋ شارۋاشىلىعى ماسەلەسىمەن مۇقيات اينالىسۋ تۋرالى دا ايتتى. ەلىمىزدىڭ وڭتۇستىك وڭىرلەرىندە سۋ تاپشىلىعى جىل سايىن سەزىلەدى. وسى ورايدا شارۋالار سۋدى ۇنەمدەپ پايدالانۋ تەحنولوگيالارىن قولدانۋلارعا ءتيىس. قازىرگى ۋاقىتتا تامشىلاتىپ سۋارۋ, جاڭبىرلاتىپ سۋارۋ سياقتى ۇنەمدى ءارى ءتيىمدى تاسىلدەردى پايدالاناتىن فەرمەرلەر سانى كوبەيىپ كەلەدى. بولاشاقتا جاپپاي وسىنداي تاسىلگە كوشۋ ماسەلەسى مەملەكەت تاراپىنان دا قولداۋ تابۋعا ءتيىس.
ءبىر سوزبەن ايتقاندا, پرەزيدەنت جولداۋىندا ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋگە ىقپال ەتەتىن اۋىل شارۋاشىلىعى سالاسىنا ەرەكشە نازار اۋداردى. جولداۋدا جۇكتەلگەن مىندەتتەر ورىندالىپ, ىلكىمدى ىستەر قولعا الىنادى دەپ سەنەمىن.
مۇرات ىسقاقوۆ,
«اگرارلىق نەسيە كورپوراتسياسى» اق باسقارما توراعاسىنىڭ ورىنباسارى
