فوتو: sud.gov.kz
«تالاپ قويۋشى مالىمدەگەن تەحنيكالىق شارتتاردا كوزدەلمەگەن قوسىمشا جۇمىس كولەمىنە جانە جەتكىزۋشىنىڭ قاتەلىگىنە بايلانىستى, جۇمىستى بەلگىلەنگەن مەرزىمدە اياقتاۋ مۇمكىندىگىنىڭ بولماۋىنا بايلانىستى, جشس تاپسىرىس بەرۋشىدەن مەرزىمدى ءبىر ايعا ۇزارتۋ تۋرالى وتىنىشپەن جۇگىنگەن», دەلىنگەن حابارلامادا.
تاپسىرىس بەرۋشى وتىنىشتەن باس تارتىپ, شارتتى بىرجاقتى تارتىپپەن بۇزعان.
«مقك ورىنداۋشىنى مەملەكەتتىك ساتىپ الۋدىڭ جوسىقسىز قاتىسۋشىسى دەپ تانۋ تۋرالى سوتقا تالاپ قويۋمەن جۇگىنگەن. جشس شارتتى بۇزۋدى زاڭسىز دەپ تانۋ تۋرالى قارسى تالاپ قويۋمەن جۇگىنگەن», دەلىنگەن سوتتىڭ حابارلاماسىندا.
جەرگىلىكتى سوتتار تاپسىرىس بەرۋشىنىڭ تالاپ قويۋىن قاناعاتتاندىرىپ, ورىنداۋشىنىڭ قارسى تالاپتارىن قاناعاتتاندىرۋدان باس تارتا وتىرىپ, سوڭعىسىنىڭ شارت تالاپتارىندا كوزدەلگەن مىندەتتەمەلەردى ورىنداماعانىن كورسەتتى.
كاسساتسيالىق ساتى سەرىكتەستىك شارتتى ءىس جۇزىندە بۇزعانعا دەيىن, بارلىق جۇمىستاردى اياقتاعانىن اتاپ ءوتتى.
«مەرزىمدەر ورىنداۋشىنىڭ كىناسىنەن بۇزىلماعان جانە مۇنداي بۇزۋشىلىقتىڭ الدىن الۋ ءۇشىن بارلىق شارالار قابىلدانعان. تاپسىرىس بەرۋشى ورىنداۋشىنىڭ ارەكەتىنەن زارداپ شەكپەگەن; بارلىق جۇمىستاردى جشس ءوز قاراجاتى ەسەبىنەن جانە ءوز ماتەريالدارىمەن ورىندادى; تالاپ قويۋ كەزىندە جانە بۇگىنگى كۇنگە دەيىن نىسان جۇمىس ىستەيدى», دەپ حابارلادى سوت.
جوعارعى سوت ءبىرىنشى جانە اپەللياتسيالىق ساتىلاردىڭ سوت اكتىلەرىن بۇزىپ, داۋدى سەرىكتەستىك پايداسىنا شەشتى.
