فوتو: pixabay.com
ماماندار قازاقستاننىڭ باسىم بولىگىندە تۇراقسىز اۋا رايى ساقتالاتىنىن ەسكەرتتى.
ماسەلەن, وڭتۇستىك وڭىرلەردە جاڭبىر جاۋىپ, نايزاعاي وينايدى. 7 قىركۇيەكتە رەسپۋبليكانىڭ سولتۇستىگىندە, وڭتۇستىگىندە جانە وڭتۇستىك-شىعىسىندا قاتتى جاڭبىر جاۋادى. ال ەلدىڭ شىعىسى مەن وڭتۇستىك-شىعىسىنداعى تاۋلى ايماقتاردا جاڭبىر مەن قار جاۋادى.
قازاقستاننىڭ باتىسىندا عانا جاۋىن-شاشىنسىز اۋا رايى كۇتىلەدى.
ودان بولەك, ەل بويىنشا جەل كۇشەيەدى.تۇندە جانە تاڭەرتەڭ سولتۇستىك, شىعىس جانە ورتالىق ايماقتاردا تۇمان تۇسەدى.
«7 قىركۇيەكتە سولتۇستىكتە, شىعىستا جانە ورتالىقتا, 8 قىركۇيەكتە قوستاناي وبلىسىندا, ەلىمىزدىڭ وڭتۇستىك-شىعىسىنداعى تاۋلى ايماقتاردا توپىراق بەتىندە 3 گرادۋسقا دەيىن ۇسىك جۇرەدى», دەپ ەسكەرتتى سينوپتيكتەر.
