فوتو: Facebook
ء«دۇبىرلى دودادا قارىنداسىمىز پارادزيۋدودان J2 ساناتىندا سىنعا ءتۇسىپ, التىن جۇلدەگە قول جەتكىزدى. ەل مارتەبەسىن اسقاقتاتقان وسى ءبىر جەڭىسپەن چەمپيونىمىزدى جانە بارشاڭىزدى شىن جۇرەكتەن قۇتتىقتايمىن! وسىلايشا, ەل نامىسىن قورعاعان اتلەتتەرىمىزدىڭ اراسىنان ەكى بىردەي التىن جۇلدەگەر شىعىپ وتىر. بۇل – قازاقستان ءۇشىن پاراليمپيادا تاريحىندا بۇرىن-سوڭدى بولماعان ۇزدىك كورسەتكىش», دەپ جازدى ماۋلەن اشىمباەۆ جەلىدەگى پاراقشاسىندا.
سونداي-اق جازبا يەسى ەل قورجىنىندا ءبىر كۇمىس جانە ءبىر قولا مەدال بار ەكەنىن ايتا كەلە, ۆولەيبولدى وتىرىپ ويناۋدان ۇلتتىق قۇرامامىزدىڭ 5-ورىن العان جەتىستىگى ەلىمىزدە كوماندالىق سايىس تۇرلەرىنىڭ دامۋىنا زور ىقپالىن تيگىزەتىنىنە سەنىم ءبىلدىردى.
«وتانداستارىمىزدىڭ پاريجدەگى جەڭىسى كەيىنگى جىلداردا ەلىمىزدە پاراسپورتتى دامىتۋ جولىندا اتقارىلىپ جاتقان اۋقىمدى جۇمىستىڭ ناتيجەسى ەكەنى انىق. الداعى ۋاقىتتا پاراسپورتشىلارىمىزدىڭ بۇدان دا بيىك بەلەستەردى باعىندىرا بەرۋىنە تىلەكشىمىز», دەپ جازدى سەنات توراعاسى.
