وقۋشى رەجىمى – ساۋلىق كەپىلى

وقۋ جىلى باستالعاندا دەنساۋلىق ساقتاۋ مينيسترلىگى اتا-انالارعا كەڭەس جاريالادى. وندا قيمىلدىڭ ازدىعى, گادجەتتەردى شامادان تىس پايدالانۋ سەكىلدى كۇندەلىكتى ەسكەرمەيتىن ادەت­تەر بالا دەن­­ساۋ­لىعىنا تەرىس اسەر ەتىپ, كورۋ قابىلەتىن ناشارلاتاتىنى ەسكەرتىلگەن. مۇندايدا بالاعا بويىن تىكتەپ ۇستاماۋ, ءبىر نارسەگە زەيىن قويماۋ سىندى قاۋىپ تۋىنداۋى دا مۇمكىن ەكەن. رەتسىز تەلەفونعا ءۇڭىلۋ ۇيقىنىڭ بۇزىلۋىنا اكەلەدى. ونىڭ ۇستىنە كەيبىر وقۋشىلاردىڭ بويىندا قازىر­دەن سوزىلمالى اۋرۋلار, ارتىق سالماق, ءتىپتى سەمىزدىك باي­قا­­لادى. دەنساۋلىق ساقتاۋ مي­­نيسترلىگى مەن قوعامدىق دەنساۋلىق ساقتاۋ ۇلتتىق ور­تا­لىعى وقۋ جىلىندا بالا­لار­دىڭ دەنساۋلىعىن ساقتاپ, نى­­عايتۋ ءۇشىن بىر­نەشە ما­ڭىزدى تالاپتى ۇسى­نادى. سونىڭ ءبىرسىپىراسىن تومەن­دە كەلتىرگەندى ءجون كوردىك.

وقۋ جىلىندا بالاڭىزدىڭ دەنساۋ­لىعى مىعىم بولىپ, دۇرىس دامىسىن دەسەڭىز, بالانىڭ كۇن ءتارتىبىن دۇرىس قۇرۋدان باستاۋ قاجەت. تومەنگى سىنىپتار ءۇشىن ءۇي تاپسىرماسىن 1,5–2 ساعاتتان اسپايتىن ۋاقىتتا, ال جوعارى سىنىپتار ءۇشىن 3–4 ساعاتتا ءاربىر 40 مينۋت سايىن ءۇزىلىس جاساي وتىرىپ ورىنداتۋ قاجەت ەكەن. سوسىن بالانىڭ ۇيقىسى قانىق بولعانى ماڭىزدى. كۇندەلىكتى 7–10 جاستاعى بالالار – 10–11 ساعات, 11–14 جاستاعى بالالار – 9–10 ساعات, 15–17 جاستاعى جاسوسپىرىمدەر 8–9 ساعات ۇيىقتاۋى كەرەك. ارينە, تاماق راتسيونىنان زياندى تاعامداردى الىپ تاس­تاپ, دارۋمەندەر قابىلداۋىن قاداعالاعان ءجون. وقۋشىلار ءجيى-ءجيى, ياعني كۇنىنە 4 رەت تاماقتانۋى كەرەك, ال ءبىرىنشى سىنىپ وقۋشىلارى مەن سپورتشىلار 5 رەت تاماقتانعانى ءجون. سەمىزدىك قاۋپىن ارتتىرىپ, باسقا دا اۋرۋلارعا باستايتىن گازدالعان سۋسىندار, فاست-فۋد, سنەكتەردى تۇتىنۋىن شەكتەگەن دۇرىس. مينيسترلىكتىڭ حابارلاماسىندا بالانىڭ ساباق وقيتىن ورنىن دۇرىس ورنالاس­تىرۋ, مەكتەپ كيىمىنىڭ جايلى, قاۋىپسىز بولۋى, سومكەنىڭ ىقشامدىعى, سالماعى, گادجەت ۇستاۋدى شەكتەۋ, كومپيۋتەردە وتىرۋ جيىلىگىمەن قاتار گيگيەناعا قاتىستى تالاپتار – ءبارى-ءبارى قامتىلعان.