فوتو: قر دەنساۋلىق ساقتاۋ مينيسترلىگى
مينيسترلىكتىڭ حابارلاۋىنشا, ەكى تاراپ باسىم جوبالاردى قارجىلاندىرۋ مەن ىنتىماقتاستىق پەرسپەكتيۆالارىن تالقىلاعان. سونىڭ ىشىندە كۋۆەيت اراب ەكونوميكالىق دامۋ قورى ءوز قارجىسىن سالا وتىرىپ, ينۆەستيتسيالىق جوبانى جۇزەگە اسىرۋعا مۇددەلى. ورەس حالىقارالىق دامۋ قورى تاياۋداعى ءۇش جىلدا سوماسى 2 ملرد دوللاردان اساتىن, سونىڭ ىشىندە دەنساۋلىق ساقتاۋ سالاسىنداعى جوبالاردى قارجىلاندىرۋعا دايىن ەكەنىن بايانداعان.
سونىمەن قاتار ساۋد ارابيالىق دامۋ قورى UMC كورپوراتيۆتىك قورىنىڭ بازاسىندا بالالار حيرۋرگيالىق ورتالىعىنىڭ قۇرىلىسىن جوبانى قوسالقى قارجىلاندىرۋ مۇمكىندىگىن قاراستىرا وتىرىپ سالۋعا قىزىعۋشىلىق تانىتقانى بەلگىلى بولدى. كاتار دامۋ قورى جىل سايىن 2-3 ملن سوماسىنا شاعىن جوبالاردى قولداۋعا دايىن ەكەنىن مالىمدەگەن.
«بۇل ۋاعدالاستىقتار ءبىزدىڭ الدىمىزدان دەنساۋلىق ساقتاۋ جۇيەسىن جاڭعىرتۋعا ارنالعان جاڭا مۇمكىندىكتەر اشادى. ءبىز قىسقا مەرزىمدە جوبالاردى جۇزەگە اسىرا باستاۋدى جوسپارلاپ وتىرمىز, بۇل مەديتسينالىق قىزمەتتەردى قازاقستان حالقى ءۇشىن اناعۇرلىم قولجەتىمدى ەتە تۇسۋگە مۇمكىندىك بەرەدى», دەپ اتاپ ءوتتى اقمارال ءالنازاروۆا.
مينيستر اراب ۇيلەستىرۋ توبى قورىمەن ىنتىماقتاستىق - ەلدىڭ مەديتسينالىق ينفراقۇرىلىمىن دامىتۋ مەن جاڭعىرتۋ جولىنداعى مينيسترلىكتىڭ تاعى ءبىر ماڭىزدى قادامى ەكەنىن اتاپ ءوتتى.
