فوتو: قر وقۋ-اعارتۋ مينيسترلىگى
ايتا كەتەيىك, قور مەملەكەت باسشىسىنىڭ تاپسىرماسىمەن قۇرىلىپ, سىبايلاس جەمقورلاردان كەرى قايتارىلعان قاراجات ەسەبىنەن تولىقتىرىلادى. ول ءۇش اۋىسىمدى, اپاتتى مەكتەپتەر ماسەلەسىن شەشۋگە جانە جالپى قوسالقى قۇرىلىس نىساندارىن سالۋ مەن مەكتەپتەردى رەكونسترۋكتسيالاۋ ارقىلى وقۋشى ورنىنىڭ تاپشىلىعىن جويۋعا باعىتتالعان.
قر وقۋ-اعارتۋ مينيسترلىگىنىڭ ينفراقۇرىلىمدى دامىتۋ دەپارتامەنتىنىڭ مالىمەتىنشە, مەملەكەت تاراپىنان بالالاردىڭ ءبىلىم الۋىنا جايلى جاعداي جاساۋعا ەرەكشە كوڭىل ءبولىنىپ جاتىر. قور قۇرىلعان ساتتەن باستاپ ەلىمىزدىڭ بىرقاتار وڭىرىندە, سونداي-اق استانا, الماتى جانە شىمكەنت قالالارىندا 76,7 مىڭ وقۋشى ورنىنا ارنالعان 62 مەكتەپتىڭ قۇرىلىسى قارجىلاندىرىلعان. بۇگىندە 63,2 مىڭ وقۋشىعا ارنالعان 52 مەكتەپ قولدانىسقا بەرىلدى.
ەسكە سالا كەتەيىك, وسى جىلدىڭ باسىندا ءبىلىم بەرۋ ينفراقۇرىلىمىن قولداۋ قورىنىڭ قاراجاتى ەسەبىنەن تاعى 20 جاڭا مەكتەپ سالىناتىنى بەلگىلى بولدى. بۇل مەكتەپتەر 2025 جىلى قولدانىسقا بەرىلەدى دەپ جوسپارلانعان.
ءبىلىم بەرۋ ينفراقۇرىلىمىن قولداۋ قورى ەسەبىنەن بارلىعى 92 مىڭ ورىندىق 82 مەكتەپتىڭ قۇرىلىسى قارجىلاندىرىلعان. اتالعان شارالار ەلىمىزدىڭ ءبىلىم بەرۋ جۇيەسىن ۇزاق مەرزىمدى دامىتۋعا جانە جاڭعىرتۋعا باعىتتالعان.
