ارقان تارتىستا ەسەمىز كەتپەيدى

ۇلتتىق قۇرامانىڭ اعا جات­تىقتىرۋشىسى راۋ­ا­ن قايىرباەۆ سپورت­شىلار اقمولا وبلىسى ششۋچينسك قالاسىندا ازىرلىكتى پىسىقتاپ جاتقانىن ايتتى.

«ارقان تارتۋ دوداسىندا كۇشپەن قاتار ەپتىلىك, كو­مان­دانىڭ ۇيىمشىلدىعى ما­ڭىز­دى سانالادى. ايەلدەر قۇراماسىنىڭ ساپىندا تاجىريبەلى سپورتشىلارمەن بىرگە جاس تالانتتار دا باعىن سىنايدى. قۇراما مۇشەلەرىنىڭ اراسىندا كوپبا­لا­لى انا مارتەبەسىنە يە ساڭ­لاقتارىمىز دا بار. ەرلەر مەن قىزداردان دا جۇلدە كۇتەمىز», دەدى ر.قايىرباەۆ.

ارقان تارتىستان ۇلتتىق قۇ­را­ما مۇشەلەرى تىڭعىلىقتى دايىن­دالۋ ءۇشىن تۋريزم جانە سپورت مينيسترلىگى قاجەتتى جاع­داي جاساعانىنا العىسىن ءبىلدىردى.

ەلوردادا وتەتىن كوشپەلىلەر ويىندارىندا ەل ءۇمىتىن ارقالاپ شىعاتىن قۇراماداعى تاجىريبەلى سپورتشىلار ايانىپ قالمايمىز دەيدى. ايەلدەر اراسىندا سىنعا تۇسەتىن اقجان قايىرباەۆا, رازيا مۇساباەۆا, نۇرساۋلە راح­ماتۋللينا سىندى ۇزدىكتەر ءدۇبىرلى دودانىڭ التىن مەدالىن ولجالاۋدى كوزدەيدى.

ەرلەر قۇراماسى دا دۇنيە­جۇزىلىك كوشپەلىلەر ويىندا­رىنىڭ التىن جۇلدەسى ءۇشىن بارىن سالۋعا ءازىر. حالىقارالىق تۋرنيرلەردەن ولجالى ورالىپ جۇرگەن ءدىنيسلام شاكىرتوۆ, داۋرەن ءشارىپوۆ, دامير باي­عونوۆ, ستانيسلاۆ پەنياەۆ باس­تاعان ساڭلاقتار تەگەۋرىندى قار­سىلاستاردىڭ قارىمىنا توتەپ بەرۋ ءۇشىن ازىرلىكتى كۇشەيتىپ جاتىر.

الەمنىڭ 80-گە تارتا مەملە­كەتىندە رەسمي سپورت بولىپ بەكىتىلگەن ارقان تارتۋ سايىسى ەلىمىزدە دە كەڭ قانات جايىپ كەلەدى. وسى سپورتتى ورىستەتۋ ماقساتىندا جەكە فەدەراتسيا دا قۇرىلدى. سپورتشىلارىمىز حا­لىقارالىق سايىستارعا قاتى­سىپ شىڭدالىپ جاتىر. تەك كاسىبي شۇعىلدانۋشىلار عانا ەمەس, اۋەسقويلار اراسىندا دا ارقان تارتىستان ءتۇرلى تۋرنير ۇيىمداستىرىلادى. مە­كەمە قىزمەتكەرلەرى اراسىندا دا رەسپۋبليكالىق تۋرنير, سپارتاكيادا ءجيى وتكەندىكتەن, تالانت­تار­دىڭ تانىلۋىنا مۇمكىندىك مول.