فوتو: ۆيدەوسكرين
ەلىمىزدە العاش رەت اشىلعان ينكليۋزيۆتى كوللەدجگە 48 ەرەكشە بالا قابىلدانعان. ونىڭ 25-ءى تىگىنشىلىك ءىسىن ۇيرەنسە, 23-ءى اعاش وڭدەۋدى مەڭگەرەدى.
«جەڭىلدەتىپ جازعان باعدارلامالارىمىز بويىنشا ساباق وتەمىز. پراكتيكالىق جانە تەوريالىق ساباقتاردى بىرگە الىپ جۇرەمىز. ويتكەنى ولار كوپ نارسەنى تەز ۇمىتىپ قالادى», دەيدى ديرەكتوردىڭ وقۋ-وندىرىستىك جۇمىس جونىندەگى ورىنباسارى زاريفجان قۇربانباەۆ.
Qazaqstan ۇلتتىق ارناسى حابارلاعانداي, اتالعان كوللەدج اتا-انالاردىڭ سۇرانىسىنا وراي اسپاز, اياق كيىم شەبەرى ماماندىقتارى بويىنشا دا توپ اشۋعا ارەكەت ەتىپ جاتىر. سونداي-اق موبيلوگراف, ءىت ماماندارىن وقىتۋ جوسپارلانىپ وتىر.
