فوتو: senate.parlam.kz
سەناتور جولداۋدا حالىق كوكەيىندەگى ماسەلەر كوتەرىلگەنىن ايتتى.
«مەملەكەت باسشىسىنىڭ جولداۋى - باعىت-باعداردى ايقىندايتىن نەگىزگى قۇجاتتىڭ ءبىرى. استانا قالاسىندا ورتا جانە شاعىن كاسىپ يەلەرىمەن كەزدەستىم. كەزدەسۋدە سالىق كودەكسىنە قاتىستى ماسەلە قوزعالدى. كاسىپكەرلەر سالىق كودەكسىنىڭ جوباسىمەن تانىسىپ, ءالى دە شيكى تۇستارى كوپ ەكەنىن ايتقان ەدى. اشىق حات ازىرلەپ, سالىق كودەكسىن قابىلداۋدى كەيىنگە قالدىرۋ تۋرالى باستاما كوتەرگىلەرى كەلەتىنىن دە جەتكىزگەن ەدى. جولداۋ شاعىن جانە ورتا كاسىپكەرلەردىڭ سۇرانىسىنا جاۋاپ بولدى. 1 جىلدىڭ ىشىندە بۇل قۇجاتتى كاسىپكەرلەردىڭ وزىمەن بىرلەسە وتىرىپ تالقىلاپ, ءتيىمدى جۇمىس ىستەيتىن قۇجاتقا اينالدىرۋىمىز كەرەك دەپ ويلايمىن. بۇل اسا ماڭىزدى شەشىم بولدى», دەدى بيبىگۇل جەكسەنباي.
سونداي-اق پرەزيدەنت جولداۋدا مەديتسينا سالاسىنا بولىنگەن 3,3 تريلليون تەڭگەنىڭ ناتيجەسى جوق ەكەنىن اتاپ ءوتتى. بۇل تۇرعىدا دەپۋتات ءمامس-ءتىڭ ءار تيىنىن باقىلاۋدى كۇشەيتۋ ۇسىنىسىن قولدايتىنىن ايتتى.
«ەلىمىزدەگى وتكىر, حالىق كوپ شاعىمداناتىن ماسەلە - مەديتسينالىق ساقتاندىرۋ قورىنىڭ جۇمىسى. استانا قالاسىندا جەكەلەگەن ادامداردان تۇسەتىن جارنا بيىل تومەندەپ كەتكەنى ايتىلدى. بۇل ءمامس-كە دەگەن حالىق سەنىمى ازايعانىن كورسەتەدى. سوندىقتان ءمامس جۇمىسىن اشىق ەتۋ, ءار تيىنىنىڭ دۇرىس جۇمسالۋىن قاداعالاۋ اسا قاجەت. پرەزيدەنت مەملەكەت تاراپىنان كورسەتىلەتىن كومەك پەن قور تاراپىنان كورسەتىلەتىن مەديتسينالىق كومەكتىڭ اراجىگىن اجىراتىپ حالىققا اشىق كورسەتە الساق, حالىقتىڭ مەديتسينالىق-پروفيلاكتيكالىق شارالاردى الۋىنا مۇمكىندىك اشىلاتىن ەدى», دەدى سەناتور.
بيبىگۇل جەكسەنباي اەس-ءتىڭ وراسان زور مۇمكىندىكتەرىنە قاتىستى حالىققا كوبىرەك اقپارات بەرۋ ماڭىزدى ەكەنىن تىلگە تيەك ەتىپ, اقپارات از بولعان سوڭ, ادامدا فوبيا پايدا بولاتىنىن ەسكەرتتى.
