فوتو: استانا قالاسىنىڭ اكىمدىگى
ستۋدەنتتىك كامپۋستىڭ اشىلۋىنا عىلىم جانە جوعارى ءبىلىم مينيسترلىگىنىڭ, استانا قالاسى اكىمدىگىنىڭ وكىلدەرى, «AMANAT» پارتياسىنىڭ مۇشەلەرى جانە ەلوردالىق ءماسليحات دەپۋتاتتارى قاتىسقان.
100 جانە 700 ورىندىق زاماناۋي جاتاقحانالاردا جايلى ءومىر ءسۇرۋ, وقۋ جانە دەمالىس ءۇشىن بارلىق جاعداي جاسالعان. «تۇران-استانا» ۋنيۆەرسيتەتىنىڭ ستۋدەنتتەرىنە ارنالعان 100 ورىندىق جاتاقحانا ستەپان رازين 1-ءشى تۇيىق كوشەسى, 26/1 مەكەنجايىندا ورنالاسقان, ال استانا مەديتسينا ۋنيۆەرسيتەتىنىڭ ستۋدەنتتەرىنە ارنالعان 700 ورىندىق جاتاقحانا گريگوري پوتانين كوشەسى, 9 مەكەنجايىندا ورنالاسقان.
«جاتاقحانا استانا قالاسى اكىمدىگىنىڭ فرونت-ءوفيسىنىڭ قولداۋىمەن پايدالانۋعا بەرىلدى. بۇل جاتاقحانادا ستۋدەنتتەردىڭ جايلىلىعى ءۇشىن بار جاعداي جاسالعان. بولمەلەردە بارلىق قاجەتتى جيھازدار, توڭازىتقىش جانە جوعارى جىلدامدىقتى ينتەرنەت بار. ءبىزدىڭ ۋنيۆەرسيتەت ستۋدەنتتەردىڭ جاتاقحاناعا دەگەن قاجەتتىلىگىن 100% قامتاماسىز ەتتى», دەدى «تۇران-استانا» ۋنيۆەرسيتەتىنىڭ رەكتورى گۇلجامال جاپاروۆا.
سونداي-اق ءىس-شارادا قازاقستاننىڭ حالىق قاھارمانى, قازاقتىڭ تۇڭعىش عارىشكەرى, «تۇران-استانا» ۋنيۆەرسيتەتىنىڭ پروفەسسورى توقتار اۋباكىروۆ قۇتتىقتاۋ ءسوز سويلەگەن.
ء«بىزدىڭ مەملەكەتىمىز ستۋدەنتتەر ءۇشىن ۇلكەن مۇمكىندىكتەر جاسايدى. ستۋدەنتتەر مەملەكەتتىڭ قامقورلىعىن باعالاپ, ۋنيۆەرسيتەتتى بىتىرگەننەن كەيىن وتان ءۇشىن قىزمەت ەتسىن», دەدى توقتار اۋباكىروۆ.
ەستەرىڭىزگە سالا كەتەيىك, 2023 جىلى استانادا ستۋدەنتتىك جاتاقحانالار سالۋ بويىنشا جوبالىق كەڭسە (بەيبىتشىلىك كوشەسى, 9) اشىلعان. فرونت-ءوفيستىڭ نەگىزگى مىندەتى – جاتاقحانالار سالۋ جونىندەگى مەملەكەتتىك باعدارلامانى ىسكە اسىرۋ ءۇشىن قولايلى جاعدايلار جاساۋ جانە ستۋدەنتتەردى تۇرعىن ۇيمەن قامتاماسىز ەتۋ, جوو-لار مەن الەۋەتتى ينۆەستورلارعا زاڭگەرلىك, كونسۋلتاتسيالىق جانە ساراپتامالىق قولداۋ كورسەتۋ.
بيىل استانادا ءمجا اياسىندا التى جاتاقحانا سالۋ جانە پايدالانۋعا بەرۋ جوسپارلانعان. ولار 4,5 مىڭعا جۋىق ورىن قۇرۋعا مۇمكىندىك بەرەدى.
