فوتو: impuls24.com.ua
انىقتالعانداي, جىل باسىنان بەرى افريكادا 622 ادام ينفەكتسيادان قايتىس بولعان. سونداي-اق سوڭعى اپتادا اۋرۋ سانى 200%-عا وسكەنى بەلگىلى بولدى. بۇل ىندەتتىڭ وشاعى كونگو دەموكراتيالىق رەسپۋبليكاسى (كدر) بولىپ سانالادى.
اۋرۋدان ەڭ كوپ زارداپ شەگەتىن جاس توبى - 15 جاسقا دەيىنگى بالالار مەن جاسوسپىرىمدەر.
قازىر كونتينەنتتە mpox تارالۋىنا بايلانىستى توتەنشە جاعداي جاريالانىپ, افريكانىڭ 18 ەلىندە اۋرۋدى جۇقتىرعاندار انىقتالعان. 14 تامىزدا دۇنيەجۇزىلىك دەنساۋلىق ساقتاۋ ۇيىمى افريكاداعى mpox ىندەتى حالىقارالىق الاڭداۋشىلىق تۋدىراتىن توتەنشە جاعداي دەپ جاريالادى.
ەسكە سالا كەتەيىك, بۇعان دەيىن قازاقستاننىڭ دەنساۋلىق ساقتاۋ مينيسترلىگى مايمىل شەشەگىن انىقتاۋعا ارنالعان پتر سىناقتارى ساتىپ الىنعانىن مالىمدەگەن بولاتىن. بۇل رەتتە دەنساۋلىق ساقتاۋ ۆيتسە-ءمينيسترى ەرلان نۇرلىباەۆ قازاقستاندا مايمىل ىندەتىنىڭ پايدا بولۋ ىقتيمالدىعى از ەكەنىن اتاپ ءوتتى.
بۇعان دەيىن, باس مەملەكەتتىك سانيتارلىق دارىگەردىڭ م. ا. «قازاقستاندا مايمىل شەشەگىنىڭ اكەلىنۋى مەن تارالۋىنىڭ الدىن الۋ بويىنشا سانيتارلىق-پروفيلاكتيكالىق ءىس-شارالاردى جۇرگىزۋ تۋرالى» 2024 جىلعى 26 تامىزداعى قاۋلىعا قول قويعان ەدى.
