فوتو: dzen.ru
ادىلەت مينيسترلىگى ءباسپاسوز قىزمەتىنىڭ حابارلاۋىنشا, زاڭ جوباسى قازاقستاندا زياتكەرلىك مەنشىك قۇقىقتارىن قورعاۋ مەن قورعاۋدى قامتاماسىز ەتۋ, ونى دامىتۋ ءۇشىن قولايلى جاعدايلار جاساۋ بويىنشا قوسىمشا قۇقىقتىق قۇرالداردى ەنگىزۋ ماقساتىندا ازىرلەنگەنى ايتىلعان.
قۇجاتتا كوپتەگەن ماڭىزدى تۇزەتۋ بار, سونىڭ ىشىندە اۆتورلىق قۇقىقتى بۇزعانى ءۇشىن ايىپپۇل سالۋ. ايتا كەتەيىك, بۇگىندە اۆتورلىق قۇقىقتى بۇزعانى ءۇشىن ازاماتتىق-قۇقىقتىق جانە قىلمىستىق جاۋاپكەرشىلىك قاراستىرىلعان.
قىلمىستىق كودەكستىڭ 198-بابى («اۆتورلىق نەمەسە ساباقتاس قۇقىقتاردى بۇزۋ») بويىنشا ەڭ تومەنگى جازا 80 اەك-كە دەيىن (2024 جىلى 295 360 تەڭگە) ايىپپۇلدى كوزدەيدى, ەڭ اۋىر جازا 3 جىلدان 6 جىلعا دەيىنگى مەرزىمگە باس بوستاندىعىنان ايىرۋ.
«قازىرگى ۋاقىتتا اۆتورلىق قۇقىقتى بۇزعانى ءۇشىن اكىمشىلىك جاۋاپكەرشىلىكتى ەنگىزۋ ماسەلەسى پىسىقتالىپ جاتىر», دەپ حابارلادى ادىلەت مينيسترلىگى.
