ءداستۇرلى ساداق اتۋدان ۇلتتىق قۇرامانىڭ باس باپكەرى دياس احمەتوۆ 35 ەلدەن 200-دەن اسا مەرگەن قاتىساتىنىن جەتكىزدى.
«ساڭلاقتارىمىزدىڭ ازىرلىگى جوسپار بويىنشا ءجۇرىپ جاتىر. باستى قارسىلاس تۇركيا, قىرعىزستان, موڭعوليا ەلىنەن كەلەتىنى انىق. بىراق كەيىنگى جىلدارى فرانتسيا, يتاليا, يسپانيا, قىتاي, يران, تۇركيادان دا قاتىسۋعا ءوتىنىش جولداعان ۇمىتكەرلەردىڭ قىراعىلىعى جوعارى. ەلىمىزدە وتەتىن سايىستا جانكۇيەرلەردىڭ ءۇمىتىن اقتاپ, قىز-جىگىتتەر جۇلدە الاتىنىنا سەنىمدىمىز», دەيدى باس باپكەر.
وسى ۋاقىتقا دەيىن ۇلتتىق قۇراما مۇشەلەرى حالىقارالىق سايىسقا قاتىسسا دا, وقۋ-جاتتىعۋ جيىنىنا دا قاجەتتى قۇرال-جابدىقتى نەگىزىنەن تۇركيا, ماجارستان, رەسەيدەن ساتىپ العان ەدى.
«كەيىنگى جىلدارى ەلىمىزدە دە ساداق اتۋ سايىسىنا قاجەتتى قۇرال-جابدىق ءوندىرىسى جولعا قويىلدى. «التىن جەبە» تسەحىنان شىعاتىن وقتاردى پايدالانىپ ءجۇرمىز. وتە ىقشام, ىڭعايلى جونىلىپ, حالىقارالىق ستاندارتقا ساي جاسالعان», دەيدى ۇلتتىق قۇراما مۇشەسى ەربول تاپەنوۆ.
