فوتو: ارمان مۋحاتوۆ
مينيسترلىك مالىمەتىنشە, 2019 جىلدان بەرى 161 مەديتسينا مامانىنا شابۋىل جاسالعان. كەيىنگى جىلدارى وسىعان ۇقساس جاعدايلار قوعامنىڭ قىزۋ تالقىسىنا ءتۇسىپ, ءجيى نازارعا ىلىگىپ ءجۇر.
ماسەلەن, بيىل مامىر ايىندا الماتىدا جەدەل جاردەم فەلدشەرىنە ونى شاقىرعان ادامدار قول كوتەرىپ, پاتەرىندە قاماپ تاستاعان. قاراعاندىدا قىزمەتتىك مىندەتتەرىن ورىنداۋ بارىسىندا جەدەل جاردەم قىزمەتكەرىن ءۇشىنشى تۇلعا اياۋسىز ۇرىپ-سوققان. (جوعارعى سوت وسى ءىس بويىنشا بۇگىن ۇكىم كەسىلەتىنىن مالىمدەدى) تەمىرتاۋدا دا جەدەل جاردەم كولىگىنىڭ جۇرگىزۋشىسى تاياق جەپ, تونالعان.
قازىرگى تاڭدا وسىنداي زاڭسىز ارەكەتتەر قىلمىستىق كودەكس جانە اكىمشىلىك قۇقىق بۇزۋشىلىق تۋرالى كودەكس بويىنشا قارالادى.
«باس پروكۋراتۋرامەن بىرلەسە قىلمىستىق كودەكسكە وزگەرىستەر ازىرلەندى, وندا مەديتسينا ماماندارىنا قاتىستى زورلىق-زومبىلىق ارەكەتتەرى ءۇشىن قىلمىستىق جاۋاپكەرشىلىك قاراستىرىلعان. قىلمىستىق كودەكسكە «مەديتسينا قىزمەتكەرىنىڭ زاڭدى قىزمەتىنە كەدەرگى كەلتىرۋ» جانە «مەديتسينا قىزمەتكەرىنە قاتىستى زورلىق-زومبىلىق كورسەتۋ» دەگەن جاڭا باپتار ەنگىزۋ ۇسىنىلىپ جاتىر. بۇل قادامدار مەديتسينا قىزمەتكەرلەرىن قورعاۋعا جانە قاۋىپسىز جۇمىس ورنىن قۇرۋعا باعىتتالعان», دەلىنگەن دەنساۋلىق ساقتاۋ مينيسترلىگى تاراتقان حابارلامادا.
