ايتا كەتەيىك, جاڭا ۇيلەر سالىنعان جىمپيتى اۋىلىنداعى شاعىن اۋدانداردىڭ ءبىرى «قازاقستان حالقىنا» دەگەن اتاۋعا يە بولدى.
باتىس قازاقستان وبلىسىنىڭ اكىمى ناريمان تورەعاليەۆ پەن «قازاقستان حالقىنا» قورىنىڭ توراعاسى بولات جامىشەۆ قونىس اۋدارۋشىلاردى قۋانىشتى شارامەن قۇتتىقتادى.
«قازاقستان حالقىنا» قورى پرەزيدەنتتىڭ تاپسىرماسىمەن قۇرىلدى جانە قيىن-قىستاۋ كەزەڭىندە وتانداستارىمىزعا جاقىن بولۋ ماڭىزدى ميسسياسىن جۇزەگە اسىرادى. بيىل ەلىمىزدىڭ بىرنەشە ءوڭىرى الاپات سۋ تاسقىنىنان زارداپ شەكسە, ەندى بۇگىن سىرىم اۋدانىندا سالىنعان جاڭا ۇيلەردىڭ كىلتىن سالتاناتتى تۇردە تابىستاپ جاتىرمىز. «قازاقستان حالقىنا» قورىنىڭ قاتىسۋىمەن ەلىمىزدىڭ 5 ءوڭىرىنىڭ 20 ەلدى مەكەنىندە 627 تۇرعىن ءۇي سالىناتىنىن اتاپ وتكىم كەلەدى. بۇگىنگى كۇنى 257 وتباسى قونىس تويىن تويلاپ ۇلگەردى. ءبىزدىڭ مەتسەناتتارىمىزدىڭ جانە باتىس قازاقستان وبلىسى اكىمدىگىنىڭ, قۇرىلىسشىلار مەن «قازاقستان حالقىنا» قورىنىڭ بىرلەسكەن جۇمىسىنىڭ ارقاسىندا باتىس قازاقستان وبلىسىندا 114 جاڭا ءۇي سالىندى», دەدى «قازاقستان حالقىنا» قوعامدىق قورىنىڭ توراعاسى بولات جامىشەۆ.
سونىمەن قاتار وبلىس اكىمى ناريمان تورەعاليەۆ قۇرىلىسشىلارعا جوعارى جۇمىس قارقىنى ءۇشىن جانە توتەنشە جاعدايدىڭ زارداپتارىن جويۋعا قولداۋ كورسەتكەنى ءۇشىن «قازاقستان حالقىنا» قورىنا العىسىن ءبىلدىرىپ, جاڭا تۇرعىن ۇيلەردىڭ سالىنۋى سۋ تاسقىنىنان زارداپ شەككەندەردىڭ ماسەلەلەرىن شەشىپ قانا قويماي, سىرىم اۋدانىنىڭ دامۋىنا ەلەۋلى ۇلەس قوساتىنىن اتاپ ءوتتى.
- مەملەكەت باسشىسى سۋ تاسقىنىنان زارداپ شەككەن ازاماتتاردى بارلىق قاجەتتىلىكپەن قامتاماسىز ەتۋدى تاپسىردى. وسىعان بايلانىستى, ءبىز تابيعي اپاتقا ۇشىراعان بقو تۇرعىندارىنىڭ باسپانا مەن ءتيىستى اقشالاي وتەماقىلاردى ۋاقىتىندا الۋى ءۇشىن قولدان كەلگەننىڭ ءبارىن جاسايمىز. بۇعان مەتسەناتتار مەن ۇكىمەتتىك ەمەس ۇيىمدار ۇلكەن قولداۋ كورسەتىپ جاتىر. باتىسقازاقستاندىقتارعا ارناپ اتسالىسقانى ءۇشىن «قازاقستان حالقىنا» قوعامدىق قورىنا العىس ايتامىن,- دەدى ناريمان تورەعاليەۆ.
ايتا كەتەيىك, اۋدانى 80 شارشى مەتر تيپتىك ۇيلەردىڭ قۇرىلىسى قور مەن بقو اكىمدىگى اراسىندا مەموراندۋمعا قول قويىلعاننان كەيىن باستالدى. باتىس قازاقستان وبلىسىنىڭ اكىمدىگى سۋ باسۋ قاۋپى جوق اۋماقتاردا جاڭا ۇيلەر سالۋ ءۇشىن جەر تەلىمدەرىن انىقتاپ, ءبولدى, سونداي-اق قاجەتتى ينجەنەرلىك ينفراقۇرىلىمدى جۇرگىزۋدى قامتاماسىز ەتتى. وبلىس اكىمدىگى جەرگىلىكتى قوعام بەلسەندىلەرىمەن بىرلەسىپ جۇرگىزىپ جاتقان قۇرىلىس جۇمىستارىنىڭ بارىسى مەن ساپاسىن باقىلاۋدى جانە قاداعالاۋدى جۇزەگە اسىردى.
جالپى العاندا, سۋ تاسقىنىنىڭ زارداپتارىن جويۋ اياسىندا «قازاقستان حالقىنا» قورى باتىس قازاقستان, اتىراۋ, سولتۇستىك قازاقستان, قوستاناي جانە اقمولا وبلىستارىندا 627 وتباسىنا اۋىلدىق جەرلەردە تۇرعىن ءۇي سالۋعا 16,5 ميلليارد تەڭگەدەن استام قارجى بولگەن.
