«2018 جىلى اتوم ستانساسىن سالۋدىڭ تەحنيكالىق-ەكونوميكالىق نەگىزدەمەسىنىڭ ءبىرىنشى ءبولىمىن ازىرلەدىك, وندا ەكى وڭىردە ستانسا سالۋ مۇمكىندىكتەرى قاراستىرىلعان. اتاپ ايتقاندا, بۇل وڭىرلەر - كۋرچاتوۆ, شقو, قازىر ول اباي وبلىسى, ەكىنشىسى وڭتۇستىك قازاقستان وبلىسى, بالقاش ماڭىنداعى ۇلكەن اۋىلى, بۇل الماتى وبلىسى. اەحا ۇسىنىمدارى بويىنشا كەڭ اۋقىمدى زەرتتەۋ جۇرگىزىلدى, اتاپ ايتقاندا, قاۋىپسىزدىك, قۋاتتى يادرولىق نىسانداردى ورنالاستىرۋ شارتتارى بويىنشا جانە قازاقستان رەسپۋبليكاسىندا قولدانىلاتىن نورماتيۆتەر نەگىزىندە جۇرگىزىلدى. ەكى اۋدان دا جارامدى دەپ تانىلدى», دەدى تيمۋر جانتيكين.
ول سونىمەن قاتار قازاقستاننىڭ ەنەرگيا جۇيەسىن بولجاۋعا تالداۋ جۇرگىزىلگەنىن دە ايتتى. سونىڭ نەگىزىندە وڭتۇستىك جاقتا ەلەكتر ەنەرگياسى تاپشىلىعى 2,7 گيگاۆاتتقا دەيىن جەتەتىنى انىقتالدى.
«وڭتۇستىك قازاقستان – ەلەكتر ەنەرگياسىن تۇتىنۋ ورتالىعى. وڭتۇستىك نەگىزگى گەنەراتسيا بولىپ سانالاتىن سولتۇستىكتە شىعارىلاتىن ەنەرگيانى تۇتىنادى, ياعني, بۇل يادرولىق كوزدى ورنالاستىرۋدىڭ وڭتايلى ورنى. 2019 جىلى ءبىز ماركەتينگتىك پروتسەدۋرالاردى جۇرگىزدىك, جەتەكشى ساتۋشىلاردان تەحنيكالىق جانە كوممەرتسيالىق ۇسىنىستار سۇرادىق, بىزگە 13 جوبا ۇسىنىسى بەرىلدى. ەنەرگەتيكا مينيسترلىگىمەن بىرگە كريتەريلەر جۇيەسى ازىرلەندى, ول بويىنشا ءبىز قازاقستاندا قۇرىلىس ءۇشىن ەڭ پەرسپەكتيۆالى 4 جوبانى تاڭدادىق. بۇل - قىتاي, كورەيا, رەسەي جانە فرانتسۋز كومپانيالارى. 2022 جىلى وسى ءتورت جوبالىق ۇسىنىس ءۇشىن دەرەكتەردى وزەكتەندىرۋ جۇرگىزىلدى. فرانتسۋز كونسالتينگتىك كومپانياسىمەن بىرگە باعالاۋ كريتەريلەرىنىڭ جۇيەسى جەتىلدىرىلدى. قازىرگى ۋاقىتتا وسى جوبالىق ۇسىنىستاردى ەگجەي - تەگجەيلى زەردەلەۋ جۇمىستارى جۇرگىزىلىپ جاتىر», دەدى جانتيكين.
ونىڭ ايتۋىنشا, ماركەتينگ ءبولىمىنىڭ ماتەريالدارى جاپوندىق اتوم ەلەكتر كومپانياسى جۇرگىزگەن حالىقارالىق ساراپتامادان وتكەن.
«ول ءبىزدىڭ بارلىق ناتيجەلەرىمىزدى, زەرتتەۋ ادىستەمەلەرىمىزدى راستادى جانە ءبىزدىڭ ۇسىنىسىمىزبەن كەلىسىپ وتىر. ءبىرىنشى ستانتسيا بالقاشتاعى ۇلكەن اۋىلىنىڭ اۋدانىندا سالىنۋى كەرەك. اەس قۇرىلىسى كەزىندە 8000 جۇمىس ورنى جانە پايدالانۋعا بەرىلگەننەن كەيىن 2000 جۇمىس ورنى قۇرىلادى», دەپ اتاپ ءوتتى جانتيكين.
