فوتو:kursiv.media
ۇكىمەتتىڭ مالىمەتىنشە, 109 كم جىلۋ جەلىلەرىن جوندەۋگە بەرىلەتىن نىسانالى ترانسفەرتتەر ەسەبىنەن 68,6 ملرد تەڭگە بولىنگەن, 54 كم رەكونسترۋكتسيالاۋعا شامامەن 23,9 ملرد تەڭگە ۇكىمەت رەزەرۆىنەن جىبەرىلگەن.
سونداي-اق تابيعي مونوپوليالار سۋبەكتىلەرىنىڭ ينۆەستيتسيالىق باعدارلامالارى ەسەبىنەن جالپى سوماسى 16,6 ملرد تەڭگەگە 68,8 كم جىلۋمەن جابدىقتاۋ جەلىسىن قايتا جاڭارتۋ جوسپارلانعان.
«بۇگىنگى تاڭدا جەرگىلىكتى اتقارۋشى ورگاندارعا قارجىلاندىرۋ جوسپارىنا سايكەس ءساۋىر ايىنان باستاپ 92,5 ملرد تەڭگەنىڭ 37,5 ملرد تەڭگەسى اۋدارىلدى. بۇل رەتتە جىلۋمەن جابدىقتاۋدىڭ 63 جوباسىنىڭ 8 جوباسى بويىنشا جۇمىس اياقتالىپ, 51 جوبا بويىنشا جەلىلەردى توسەۋ باستالدى, 82 كم جول سالىندى», دەپ مالىمدەدى قانات شارلاپاەۆ.
ەسكە سالا كەتەيىك, 12 تامىزدان باستاپ ونەركاسىپ جانە قۇرىلىس مينيسترلىگى تكش جانە الەۋمەتتىك سالا وبەكتىلەرىن الداعى جىلىتۋ ماۋسىمىنا دايىنداۋ بويىنشا كەشەندى تەكسەرۋ جۇرگىزىپ جاتىر.
سونىمەن قاتار اكىمدىكتەرگە قىركۇيەك ايىنىڭ سوڭىنا دەيىن جىلۋ جەلىلەرىندەگى جوندەۋ جۇمىستارىن اياقتاۋ تاپسىرىلدى. سونداي-اق 1 قىركۇيەككە دەيىن ءبىلىم بەرۋ وبەكتىلەرىنىڭ, 15 قازانعا دەيىن دەنساۋلىق ساقتاۋ, تكش جانە تۇرعىن ءۇي قورىنىڭ وبەكتىلەرىنىڭ تولىق دايىندىعىن قامتاماسىز ەتۋ قاجەت.
