فوتو:/instagram.com/levy_bereg_astana
انىقتالعانداي, قۇقىق بۇزۋشى ورتالىق دەمالىس ساياباعىندا ورنالاسقان «اتىراۋ» جاياۋ جۇرگىنشىلەر كوپىرىنەن مەملەكەتتىك ءنومىرسىز كولىكپەن ءجۇرىپ وتكەن.
سوت وتىرىسىندا ت. كىناسىن تولىق مويىنداپ, كولىكتى جاياۋ جۇرگىنشىلەر كوپىرىندە باسقارۋ تۋرالى دوسىمەن باستەسكەنىن مويىنداعان.
«جاسالعان ارەكەتتىڭ سيپاتىن, كىنالىنىڭ جەكە باسىن, ونىڭ قۇقىق بۇزۋشىلىق جاساعانعا دەيىنگى جانە ودان كەيىنگى مىنەز-قۇلقىن, ءىستىڭ ءمان-جايىن ەسكەرە وتىرىپ, كوپىردەگى جاياۋ جۇرگىنشىلەردىڭ ءومىرى مەن دەنساۋلىعىنا قاۋىپ توندىرگەن ادامدى تاربيەلەۋ ماقساتىندا, سونداي-اق جاڭا قۇقىق بۇزۋشىلىق جاساۋعا جول بەرمەۋ ماقساتىندا, سوتتىڭ قاۋلىسىمەن ت. ۇساق بۇزاقىلىق جاساعانى ءۇشىن كىنالى دەپ تانىلىپ, وعان 15 تاۋلىككە اكىمشىلىك قاماققا الۋ تۇرىندەگى اكىمشىلىك جازا تاعايىندالدى», دەلىنگەن سوت حابارلاماسىندا.
سوت مۇنداي اكىمشىلىك قۇقىق بۇزۋشىلىقتى ءبىرىنشى رەت جاساعانىن جانە ارەكەتىنە وكىنەتىنىن جەڭىلدەتەتىن ءمان-جايلار دەپ تانىعان.
قاۋلى زاڭدى كۇشىنە ەنگەن جوق.
