فوتو: shutterstock
پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتى جوعارعى سوتتا كاسساتسيالىق سوتتاردى قۇرۋ ماسەلەلەرىن تالقىلاۋعا ارنالعان دوڭگەلەك ۇستەل وتكىزدى.
كەزدەسۋ ءتيىستى زاڭ جوباسىن جاريا تالقىلاۋ شەڭبەرىندە «ۇزدىكسىز» كاسساتسياعا جوعارى سۇرانىستى ەسكەرە وتىرىپ ءوتتى.
اتاپ وتىلگەندەي, 2025 جىلدىڭ 1 شىلدەسىنەن باستاپ ەلوردادا اپەللياتسيالىق جانە قاداعالاۋ ءتارتىبى بىركەلكى ءۇش تاۋەلسىز كاسساتسيالىق سوت جۇمىس ىستەيدى.
«جالپى, بارلىق بايانداماشىلار كاسساتسيالىق سوتتاردىڭ قۇرىلۋىن قولداي وتىرىپ, ولاردىڭ ءتيىمدى جۇمىس ىستەۋى ماسەلەلەرىنە, سۋديالاردىڭ شىنايى تاۋەلسىزدىگىن قامتاماسىز ەتۋ, سۋديالار لاۋازىمدارىنا اشىق جانە جاريا ىرىكتەۋ قاجەتتىلىگىنە ەرەكشە نازار اۋداردى», دەپ حابارلادى جوعارعى سوتتىڭ ءباسپاسوز قىزمەتى.
