قر دەنساۋلىق ساقتاۋ مينيسترلىگى الەمدەگى مايمىل شەشەگىنىڭ اعىمداعى جاعدايى تۋرالى جانە ەلىمىزدىڭ اۋماعىندا ينفەكتسيانىڭ تارالۋىن بولدىرماۋ بويىنشا قابىلدانعان شارالار تۋرالى ازاماتتاردى حاباردار ەتەدى.
بۇگىنگى تاڭدا قازاقستان رەسپۋبليكاسىندا مايمىل شەشەگىنىڭ بىردە-ءبىر جاعدايى تىركەلگەن جوق.
دەنساۋلىق ساقتاۋ مينيسترلىگى ينفەكتسيانى ەلگە اكەلۋدىڭ الدىن الۋ ءۇشىن قاجەتتى شارالاردى قابىلدادى.
اۋەجايلار مەن شەكارا وتكەلدەرىن قوسا العاندا, سانيتاريالىق-كارانتيندىك پۋنكتتەردە باقىلاۋ شارالارى كۇشەيتىلدى. مايمىل شەشەگى تىركەلگەن ەلدەردەن كەلگەن ازاماتتارعا نازار اۋدارىلادى.
ينفەكتسيانىڭ ىقتيمال تارالۋىن بولدىرماۋ ءۇشىن دەنساۋلىق ساقتاۋ مينيسترلىگى ەندەميالىق ەلدەرگە ساپار شەگۋدى جوسپارلاپ وتىرعان ازاماتتارعا كەلەسىدەي ساقتىق شارالارىن ساقتاۋدى ۇسىنادى:
1. اۋرۋ ادامدارمەن جانە جابايى جانۋارلارمەن بايلانىستا بولۋدان اۋلاق بولىڭىز. ۆيرۋس جۇقتىرعان مايمىلدارمەن, ەگەۋقۇيرىقتارمەن جانە باسقا جانۋارلارمەن بايلانىستا بولۋى مۇمكىن.
2. قورعانىس قۇرالدارىن قولدانىڭىز. جانۋارلارمەن نەمەسە ولاردىڭ ونىمدەرىمەن بايلانىستا بولعان كەزدە قورعانىس كيىمدەرى مەن قولعاپتارىن قولدانۋ ماڭىزدى.
3. گيگيەنانى ساقتاۋ. قولدى ۇنەمى جۋ جانە دەزينفەكتسيالاۋ قۇرالدارىن قولدانۋ ينفەكتسيانىڭ تارالۋ قاۋپىن ازايتۋعا كومەكتەسەدى.
4. اسا قاجەتتىلىك تۋىنداماسا, مايمىل شەشەگى تىركەلگەن ەلدەرگە شىقپاۋعا كەڭەس بەرەمىز.
5. العاشقى بەلگىلەر پايدا بولعان كەزدە دارىگەرگە جۇگىنىڭىز. ەگەر بورتپە, جوعارى تەمپەراتۋرا جانە باسقا دا بەلگىلەر پايدا بولسا, دەرەۋ مەديتسينالىق كومەككە جۇگىنۋ كەرەك.
قر دەنساۋلىق ساقتاۋ مينيسترلىگى ەپيدەميولوگيالىق جاعدايدى باقىلاۋدا جانە كەز كەلگەن وزگەرىستەرگە جەدەل دەن قويۋعا دايىن.
