اكتسياعا بارلىعى 330,0 مىڭ ادام قاتىسقان. 276 گۇلزار, ساياباق اباتتاندىرىلىپ, 109 مىڭ توننا قوقىس شىعارىلىپ جانە 29 مىڭنان استام اعاش پەن بۇتاق وتىرعىزىلعان.
جاستاردى ەكولوگيالىق مادەنيەتكە تاربيەلەۋ جانە تابيعات پەن ەڭبەككە جاۋاپكەرشىلىكپەن قاراۋ ماقساتىندا «جاسىل ەل» ستۋدەنتتىك قۇرىلىس جانە جاستار وتريادتارىنىڭ پاۆلودار شتابى قق وبلىس ورتالىعىندا «EcoDans» ەكولوگيالىق اكتسياسىن ۇيىمداستىرعان.
بۇل ءىس-شارانىڭ باستى ەرەكشەلىگى-ەكولوگيالىق جاعدايدى جاقسارتۋ سياقتى ورتاق ماقساتپەن جۇمىس ىستەي وتىرىپ, قاتىسۋشىلاردىڭ قاناعاتتانۋ دەڭگەيى مەن ءال-اۋقاتىن ارتتىرۋعا بولادى, ءىس-شارا باسقا ادامدارعا ۇلگى بولا الادى جانە ولاردى قورشاعان ورتانى قورعاۋعا بەلسەندى قاتىسۋعا ىنتالاندىرادى جانە كوممۋنيكاتيۆتى داعدىلار داميدى.
سونداي-اق تۋعان ولكەنى اباتتاندىرۋ جاستاردى بىرىكتىرەدى, وتانسۇيگىشتىك سەزىمىن تاربيەلەۋگە, ەڭبەكتى قۇرمەتتەۋگە جانە تۋعان ولكەسىنە پايدا اكەلۋگە ۇمتىلۋعا ىقپال ەتەدى. جاستار وكىلدەرىنىڭ اراسىنان قاتىسۋشىلار ءۇشىن «شاڭعى بازاسى» بويىنشا ەكولوگيالىق ەكسكۋرسيا ۇيىمداستىرىلدى, سونىمەن قاتار قاتىسۋشىلار اراسىنداعى قارىم-قاتىناستى جاقسارتۋ ءۇشىن قاتىسۋشىلار اراسىندا شاعىن ويىن فورماتىندا «بي قىزدىرۋ» وتكىزىلدى.
«جاسىل ەل» وبلىستىق شتابىنىڭ كومانديرى سۋلايمونوۆا رۋسانانىڭ ايتۋىنشا, «تازا قازاقستان» اكتسياسى وتە ۋاقتىلى, ءارى قاجەت, ءارى قاراي دا ءوڭىر جاستارى وسىنداي اكتسيالارعا بەلسەندى قاتىسۋدى جالعاستىراتىن بولادى. ويتكەنى ءبىزدىڭ جاستارىمىز جاستاردى بىرىكتىرەتىن, وتانسۇيگىشتىك سەزىمىن, ەڭبەككە قۇرمەت سەزىمىن تاربيەلەۋگە ىقپال ەتەتىن ءىس-شارالاردى قولدايدى.
