فوتو: مادەنيەت جانە اقپارات مينيسترلىگى
ء«بىز ءۇشىن بۇل قازاقستاندى الەمگە قايتا تانىستىرۋعا كەرەمەت مۇمكىندىكتەر اشاتىن ماڭىزدى وقيعا. قازاقستان – ۇلى كوشپەلىلەر وركەنيەتىنىڭ تىكەلەي مۇراگەرى عانا ەمەس ەڭ باي مادەني جانە تاريحي مۇراسى, تاماشا تابيعاتى, تانىمال ادامدارى بار مەملەكەت. قازاقستان − بۇگىندە پرەزيدەنت قاسىم-جومارت توقاەۆتىڭ وزىق يدەيالارى نەگىزىندە بۇرىن-سوڭدى بولماعان وزگەرىستەرىمەن قالىپتاسقان زاماناۋي الەمنىڭ ءبىر بولىگى. قازاقستان – وركەنيەتتى الەممەن ءوزىنىڭ قايتالانباس رۋحاني-مادەني مۇراسى جانە الەۋمەتتىك-ەكونوميكالىق الەۋەتىن بولىسۋگە عانا ەمەس, بەيبىتشىلىك ءۇشىن جان جۇرەگىن بەرۋگە دايىن مەملەكەت. سوندىقتان مەن Euronews كومانداسىنىڭ قازاقستان تۋرالى بۇكىل الەمگە ەلىمىزدىڭ جۇرەگى − اسەم استانادان حابار تاراتاتىنىنا وتە قۋانىشتىمىن!», دەدى ايدا بالاەۆا كەزدەسۋدە.
Euronews كومانداسى جاقىن ارادا قازاقتىڭ ونەرى, مادەنيەتى مەن ءومىر سالتى تۋرالى modern nomads تەلەشوۋىن, ەلدەگى ىسكەرلىك جانە ەكونوميكالىق وقيعالاردى, «ورتالىق ازيادان شىققان داۋىستاردى» - ءوڭىردىڭ بەلگىلى قايراتكەرلەرىمەن سۇحباتتاردى, ءىرى وڭىرلىك ءىس-شارالاردى جانە وقىتۋ ترەنينگتەرىن وتكىزۋدى قامتيتىن «شىعىس پەن باتىستىڭ بايلانىسى» باعدارلاماسىن, بىرقاتار رەپورتاجدارىن كورسەتۋدى جوسپارلاپ وتىر جانە وتاندىق باق جانە ءباسپاسوز قىزمەتكەرلەرىنىڭ بىلىكتىلىگىن ارتتىرۋ ءۇشىن شەبەرلىك ساباقتارىن وتكىزبەك.
«بۇل قازاقستان ءۇشىن دە, Euronews ءۇشىن دە وتە ماڭىزدى قادام. مەن سىزدەردىڭ تاراپتان بۇل استانادا حاب قۇراتىن العاشقى ءىرى حالىقارالىق جاڭالىقتار ويىنشىسى ەكەنىن تۇسىنەمىن. بۇل ەلدىڭ الەمگە قانشالىقتى اشىق ەكەنىن كورسەتەدى. Euronews تۇرعىسىنان ءبىزدىڭ شىعىسقا قاراي قانات جايۋىمىز. قازاقستان ەۋرازيا قۇرلىعىنىڭ ورتالىعى جانە ءبىزدىڭ ەۋروپا ەلدەرىندە عانا ەمەس, كونتينەنتتەن تىس جەرلەردە بار ەكەنىمىزدى كورسەتەدى. ءبىز بۇكىل الەم بويىنشا 1,2 ميلليارد كورەرمەنى بار ارنامىز, سونداي-اق ورتالىق ازيادا شىعۋىمىز كوپتەن بەرى جوسپارلانعان بولاتىن», دەپ اتاپ ءوتتى Euronews ديرەكتورلار كەڭەسىنىڭ توراعاسى پەدرو ۆارگاس دەۆيد.
Euronews وسى جىلدىڭ قىركۇيەك ايىندا استانادا وتەتىن, اۋقىمدى حالىقارالىق وقيعا بولاتىن دۇنيەجۇزىلىك كوشپەلىلەر ويىندارىنىڭ اقپاراتتىق سەرىكتەسى بولۋ تۋرالى باستاما كوتەردى.
