وسى باعىتتا قوردىڭ بىرىڭعاي قايىرىمدىلىق وپەراتورى «Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىلاي قولداۋىمەن بىلتىر تۇركىستان وبلىسىندا «اق مەيىر» بالالاردى دامىتۋ جانە ينكليۋزيۆتى ءبىلىم بەرۋ ورتالىعى جۇمىسىن جاڭا قارقىنمەن باستاپ, ءتۇرلى دياگنوز قويىلعان ەرەكشە ءبىلىم بەرۋ قاجەتتىلىگى بار 150 بالانى كەشەندى كومەكپەن قامتىدى.
ارنايى ماماندار لوگوپەديالىق-دەفەكتولوگيالىق, پەداگوگيكالىق-پسيحولوگيالىق كومەك, سونداي-اق ارتتەراپيا, مۋزتەراپيا, قۇم تەراپياسى, ەمدىك جاتتىعۋ بويىنشا بارىنشا قامقورلىق كورسەتكەن. ماسەلەن, لوگوپەد-دەفەكتولوگ مامان سويلەۋ ءتىلىنىڭ اقاۋى بار, پسيحيكالىق دامۋى تەجەلگەن, ارىپتەردى تازا ايتا المايتىن, جالپى ءتىل كەمىستىگى بار 50 بالاعا جىل ون ەكى اي كومەكتەستى. ناتيجەسىندە, اتالعان بالالار اۋرۋىنان ايىعىپ, تولىققاندى بالالارمەن بىرگە ساباققا بارىپ ءجۇر.
پەداگوگ-پسيحولوگ, پەداگوگ-اسسيستەنت, مۋزتەراپيا مامانى ەرەكشە ءبىلىم بەرۋ قاجەتتىلىگى بار, ۇلگەرىمى تومەن, ساباقتى قابىلداۋى, ەستە ساقتاۋ قابىلەتى ناشار بالالارمەن پەداگوگيكالىق پسيحولوگيالىق تۇزەتۋ كابينەتىندە (پپتك) جەكە جانە توپتىق جۇمىس ىستەپ, بالاعا ارنايى باعدارلامامەن ساباق ءوتىپ, كوركەم جازۋعا, جىلدام وقىتۋعا, ەسەپ شىعارۋعا, ءان ايتۋعا ءتۇرلى ۇلتتىق اسپاپتاردى ويناۋعا دەگەن داعدىلارىن وياتتى. ال ارتتەراپيا, قۇم تەراپياسى مامانى قۇممەن ويناۋ, تۋشش, گۋاشش, ءتۇرلى-ءتۇستى قالاممەن سۋرەت سالۋ ارقىلى دياگنوزى اۋىر 2-3-توپتاعى مۇگەدەكتىگى بار, ۇيدە وقىتىلاتىن بالالارمەن جۇمىس ىستەدى.
لوگوپەد كومەگىن العان وقۋشىلاردىڭ ءبىرى – ەرقانات ماقسات. العاش رەت لوگوپەدتىڭ كونسۋلتاتسياسىن العاندا بالانىڭ «ر» دىبىسىن ايتا المايتىنى, ارىپتەر مەن دىبىستاردى شاتاستىرىپ ناقتى ورنىنا قويا المايتىنى بەلگىلى بولعان. كۇندەلىكتى جۇمىستىڭ ناتيجەسىندە ەرقانات ەكىنشى ايدان باستاپ وڭ ناتيجە كورسەتە باستادى. ۋاقىت وتە وقۋشى «ر» ءارپىن ايتۋ, سونداي-اق دىبىستار مەن ارىپتەردى شاتاستىرماۋدى ۇيرەندى. سول ارقىلى مەكتەپتەگى ديكتانت جازۋدا باعاسى جاقسارىپ, ۇلگەرىمى كوتەرىلدى.
ال دامۋىندا اقاۋ بار نۋريكامال ورازالىنىڭ زەيىنىن جاقسارتىپ, قوعاممەن بايلانىسىن دۇرىستاۋ قاجەت بولدى. وقۋشىنىڭ پسيحولوگيالىق جانە فيزيولوگيالىق ەرەكشەلىكتەرىن ەسكەرە وتىرىپ, جەكە مەتوديكا قۇرىلدى. سول ارقىلى بالاعا ىڭعايلى ۋاقىتتا قوسىمشا ساباقتار ءوتتى. جارتى جىلدان كەيىن نۋريكامالدىڭ قاتارلاستارىمەن قارىم-قاتىناسىندا بەلسەندىلىگى بايقالدى. سۋرەت سالۋعا قىزىعۋشىلىعى اشىلدى. قازىر وسى ونەر ارقىلى ءوز ويىن جەتكىزۋگە بارىن سالىپ ءجۇر.
«وقۋشىلاردىڭ قول موتوريكاسىنىڭ دامۋىنا, كوركەم ەستەتيكالىق, سەزىمتالدىق, تالعام, بايقامپازدىق, مەيىرىمدىلىك, ادەپتىلىك قاسيەتتەرىن تاربيەلەۋدە, قيالىن دامىتۋدا, ءتۇسىنۋ داعدىلارىن قالىپتاستىرۋدا ۇلكەن جۇمىس اتقارىلدى. جەڭىل جانە اۋىر دياگنوزى بار بالالارمەن ارنايى باعدارلاما بويىنشا جۇمىس جۇرگىزدىك. ناتيجەسىندە, وقۋشىلاردىڭ ونەرگە دەگەن قىزىعۋشىلىعى وياندى, ونەر ارقىلى ۇلتتىق قۇندىلىقتاردى قۇرمەتتەۋدى ۇيرەندى. ەرەكشە بالالاردى ەمدەپ-تۇزەۋگە, قوعامعا بەيىمدەلۋىنە جاعداي جاساپ, قارجىلاي كومەك كورسەتىپ وتىرعان «Samruk-Kazyna Trust» قايىرىمدىلىق قورىنا العىسىمىز شەكسىز», دەيدى ورتالىق جەتەكشىسى نۇربولات قايرامباەۆ.
«Samruk-Kazyna Trust» كق ءباسپاسوز ورتالىعى
