فوتو: حابار24
تەرگەۋ بارىسىندا قما قىزمەتكەرلەرى قارا-جاسىل ءتۇستى وسىمدىك تەكتەس زاتتى ساتىپ العان. ولاردى ساراپشىلارعا بەرىپ, زەرتتەۋ جۇرگىزگەن. ولار زەرتتەۋ وبەكتىسىنىڭ جالپى سالماعى 5 كگ بولاتىن «گاشيش» ەسىرتكى زاتى ەكەنىن انىقتادى.
ەسىرتكى ساتۋمەن اينالىسقان ازامات جالعان اقشا ساتۋمەن دە اۋەستەنەتىن بولىپ شىقتى. ول 10 000 اقش دوللارىن (100 دانا نومينالىمەن 100 اقش دوللارىن قۇرايتىن بانكنوتتار) ساتۋ بارىسىندا ۇستالدى.
سونداي-اق جەدەل ىزدەستىرۋ شارالارىن وتكىزۋ بارىسىندا ونىڭ سىبايلاسى انىقتالدى, ودان 13 100 جالعان اقش دوللارى تابىلىپ, تاركىلەندى. ونىڭ تۇرعىلىقتى جەرىن ءتىنتۋ بارىسىندا سالماعى شامامەن 1 كگ گاشيش تابىلدى.
سوت ۇكىمىمەن اتالعان ادامدار كىنالى دەپ تانىلىپ, بىرەۋى 11 جىلعا, ەكىنشىسى 5,5 جىلعا باس بوستاندىعىنان ايىرىلدى.
