فوتو: gov.kz
«ينچحون – استانا» باعىتىنداعى اۋە رەيسى ۇشىپ كەلگەننەن كەيىن ەلوردا اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى قۇقىق بۇزعان جولاۋشى ايەلدى انىقتاپ, ۇستاعان.
«تەكسەرۋ بارىسىندا رەسەي فەدەراتسياسىنىڭ 49 جاستاعى ازاماتشاسى اۋە كەمەسىنىڭ دارەتحاناسىندا تەمەكى شەككەنى انىقتالدى. شەتەلدىك ايەل اۋە كەمەسىنىڭ بورتىندا تەمەكى ونىمدەرىن تۇتىنعانى ءۇشىن اكىمشىلىك جاۋاپكەرشىلىككە تارتىلىپ, وعان 50 اەك (184 600 تەڭگە) مولشەرىندە ايىپپۇل سالىندى», دەلىنگەن حابارلامادا.
سونىمەن قاتار, كولىكتەگى پوليتسيا دەپارتامەنتى قىزمەتكەرلەرىمەن جىل باسىنان بەرى ءتۇرلى اكىمشىلىك قۇقىق بۇزۋشىلىقتار جاساعانى ءۇشىن اۋە كەمەسىنەن 351 ازامات تۇسىرگەنى بەلگىلى بولدى. ونىڭ ىشىندە قوعامدىق ورىندارعا ماساڭ كۇيىندە كەلگەنى ءۇشىن – 173, ۇشاق بورتىندا تەمەكى شەككەنى ءۇشىن – 136, ۇساق بۇزاقىلىق جاساعانى ءۇشىن – 19 ادام بولعان.
