جاعا ۇستاتارلىق قىلمىس كەيۋانانىڭ تۋعان كۇنىندە بولعان, ول 82 جاسقا تولعان ەدى.
بەلگىلى بولعانداي, بۇل وتباسىندا قول كوتەرۋ جاعدايلارى بىرنەشە رەت قايتالانعان. ەر ادام اناسىنا ۇنەمى قول جۇمساپ وتىرعان. بىراق ايەل ۇلىن كەشىرىپ, ول ەسكەرتۋ العاننان كەيىن نەمەسە 15-20 تاۋلىككە قاماۋعا الىنعان سوڭ بوساتىلعان.
بۇل جولى كۇدىكتىگە قاتىستى «ادام ءولتىرۋ» بابى بويىنشا قىلمىستىق ءىس قوزعالدى. كۇدىكتى 8 جىلدان 15 جىلعا دەيىن باس بوستاندىعىنان ايىرىلۋى مۇمكىن.
«تايىنشا اۋدانىندا 82 جاستاعى ايەلدى ءولتىردى دەگەن كۇدىكپەن 59 جاستاعى ەر ادام ۇستالىپ, ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. ساراپتامالار تاعايىندالدى», — دەپ مالىمدەدى پوليتسيا دەپارتامەنتىنىڭ ءباسپاسوز حاتشىسى ءمادينا ەرعاليەۆا.
