فوتو:ۆيدەودان الىنعان كادر
ۋكراينا قاۋىپسىزدىك قىزمەتىنىڭ مالىمەتىنشە, ەنەرگەتيكا ءمينيسترى ء«ىرى كولەمدى جەمقورلىق سحەماسىن» اشكەرەلەۋگە كومەكتەسكەن.
«ۋكراينانىڭ قاۋىپسىزدىك قىزمەتى مەن سىبايلاس جەمقورلىققا قارسى ءىس-قيمىل ۇلتتىق بيۋروسى ۋكراينا ەنەرگەتيكا ءمينيسترىنىڭ كومەگىمەن ونىڭ ورىنباسارى ۇيىمداستىرعان اۋقىمدى سىبايلاس جەمقورلىق سحەماسىن اشكەرەلەدى. ناتيجەسىندە مينيسترلىك باسشىسىنىڭ ورىنباسارى كيەۆتە جارتى ميلليون دوللار پارامەن ۇستالدى», دەلىنگەن ۋكراينا قاۋىپسىزدىك قىزمەتىنىڭ رەسمي مالىمدەمەسىندە.
سونداي-اق ۆيتسە-ءمينيستردىڭ ءۇش سىبايلاسىنىڭ ۇستالعانى تۋرالى حابارلاندى. ۇستالعاندار ءۇشىن بۇلتارتپاۋ شاراسى ءالى انىقتالعان جوق.
ۋكراينانىڭ قۇقىقتىق قۇجاتىنا ساي كۇدىكتىلەر 12 جىلعا دەيىن باس بوستاندىعىنان ايىرىلۋى مۇمكىن.
