فوتو:gov.kz
ۆەدومستۆودا تۇسىندىرىلگەندەي, تۇزەتۋ ەنەرگيا ءوندىرۋشى ۇيىمدارعا تاۋەلسىز ەلەكتر ەنەرگياسىن وندىرۋگە ارنالعان بازالىق شىعىنداردىڭ, اتاپ ايتقاندا, وتىنعا (ونىڭ ىشىندە گازعا جانە ونى تاسىمالداۋعا, باعانىڭ 2024 جىلعى 1 شىلدەدەن باستاپ وسۋىنە), جالاقىعا جانە جوندەۋ جۇمىستارىنا ارنالعان شىعىنداردىڭ ۇلعايۋىمەن بايلانىستى.
ەلەكتر ەنەرگياسىن ساتاتىن ەنەرگيا ءوندىرۋشى ۇيىمداردىڭ كەلەسى توپتارى ءۇشىن 2024-2025 جىلدارعا ارنالعان جاڭا شەكتى تاريفتەردى بەلگىلەۋ ۇسىنىلادى:
ب.نۇرجانوۆ اتىنداعى ەكىباستۇز گرەس-1 جشس – ساعاتىنا كيلوۆاتت ءۇشىن 8,27 تەڭگە (2024-2025 جىلدارعا قولدانىستاعى تاريف ساعاتىنا كيلوۆاتت ءۇشىن 8,05 تەڭگە);
«ەۋرو-ازيا ەنەرگەتيكالىق كورپوراتسياسى» اق – 7,98 (7,4);
«استانا-ەنەرگيا» اق – 9,28 (8,49);
«قازاقستان ءاليۋمينيى» اق – 7,87 (6,05);
«ستەپنوگورسك جەو» جشس – 28,97 (22,58);
«جاڭاجولسكايا گتەس» جشس – 11,85 (11,44);
«ز-ەنەرگوورتالىق» اق – 15.09 (13.79);
«تنك «قازحروم» اق – 10,67 (7,59);
قۇجات جوباسى 2024 جىلدىڭ 23 تامىزىنا دەيىن قوعامدىق تالقىلاۋعا ۇسىنىلدى. ال بۇيرىق قابىلدانسا, بيىلعى جىلدىڭ 1 قىركۇيەگىنەن باستاپ قولدانىسقا ەنگىزىلەدى.
