ال بەرىلگەن دەمالىس ۋاقىتىندا جۇمىس بەرۋشى جۇمىسشىنىڭ ورتاشا جالاقىسى مەن لاۋازىمىن ساقتاۋعا مىندەتتى, دەپ جازادى Egemen.kz.
"اۋىرىپ ەم ىزدەگەنشە, اۋىرمايتىن جول ىزدە" دەمەكشى, ءتۇرلى قاتەرلى دەرتتەردىڭ الدىن الۋ ءۇشىن ەلىمىزدە ءۇش كۇندىك الەۋمەتتىك دەمالىس كەز كەلگەن قىزمەتكەگە بەرىلەدى. سول ۋاقىتتا ازاماتتار سكرينينگتىك زەرتتەۋلەردەن وتسە, ايەلدەر جۇكتىلىكتىڭ 12 اپتاسىنا دەيىن مەديتسينالىق ەسەپكە تۇرۋ ءۇشىن دەمالىس الا الادى.
دەنساۋلىق ساقتاۋ جۇيەسى تۋرالى كودەكستىڭ 80 بابىنىڭ 3 تارماعىنا سايكەس, ەل ازاماتتارى مۇنداي مەديتسينالىق تەكسەرىستەن وتۋگە مىندەتتى. سەبەبى اۋرۋدى ەرتە انىقتاپ, قاۋىپتى فاكتورلاردى بولدىرماۋعا باعىتتالعان. نەگىزىنەن سكرينينگتىڭ بىرنەشە ءتۇرى بار. ماسەلەن قان اينالىمى جۇيەسىنىڭ نەگىزگى اۋرۋلارى, قانت ديابەتى, گلاۋكوما, سونىمەن بىرگە ادامداردا سوزىلمالى ۆ جانە س گەپاتيتى بويىنشا دا سكرينينگ بار.
ال بەلگىلى ءبىر جاسقا تولعان قازاقستاندىقتار ءۇشىن ونكوسكرينينگتىڭ ءۇش ءتۇرى قاراستىرىلعان.
- قاتەرلى ىسىككە شالدىققان سكرينينگتى 40 جاستان 70 جاسقا دەيىنگى ايەلدەر ەكى جىلدا 1 رەت وتەدى. جاتىر مويىن قاتەرلى ىسىگىنىڭ سكرينينگى 30-70 جاسقا دەيىنگى ايەلدەر 4 جىلدا 1 رەت وتەدى. كولورەكتالدى قاتەرلى ىسىككە سكرينينگى ول 50 جاستان 70 جاسقا دەيىنگى ايەلدەر مەن ەركەكتەر 4 جىلدا 1 رەت وتەدى, – دەيدى HR-مەنەدجەر بالاۋسا كارسەمباەۆا.
ءۇش كۇندىك دەمالىسقا شىققان جۇمىسشىلاردىڭ ورتاشا جالاقىسى مەن لاۋازىمىن جۇمىس بەرۋشى تولىقتاي ساقتاۋعا مىندەتتى.
بۇدان بولەك ازاماتتار مۇنى كەز-كەلگەن ۋاقىتتا الا المايدى. مەرزىمى كەلگەن مەزەتتە ارنايى انىقتامانى باسشىلىققا ۇسىنىپ تۇرعىلىقتى جەرىندەگى ەمحانادان ءوتۋى ءتيىس. ال مەديتسينالىق زەرتتەۋدەن وتۋگە قىزمەتكەرىن جىبەرمەگەن جاعدايدا ءاربىر ادام ەڭبەك جونىندەگى ۋاكىلەتتى مەملەكەتتىك ورگاننىڭ اۋماقتىق بولىمشەسىنە جۇگىنۋىنە قۇقىلى
