مەديا مامانى ەكىنشى رەت تۇرمىسقا شىعىپ, كەيىن جولداسىمەن سوتتاسىپ جاتقانىن جاسىرماعان ەدى.
- قىشقىل ليموننان ءتاتتى ليموناد شىعارا ءبىلۋدى ءومىر ءوزى ۇيرەتەدى. ون اي بويى ءوزىمدى قورعاپ, تەرگەۋ, سوت پروتسەستەرىنەن وتكەن كەزدە ازاماتتىق ءىس, قىلمىستىق ىسكە بايلانىستى قۇجاتتاردى زەرتتەپ, سوت وتىرىستارىنا, تەرگەۋشىگە تۇسىنىكتەمە بەرەردە الدىن الا دايىندالىپ بارۋىم كەرەك بولدى. باسىمنان وتكەن 7 سوت وتىرىسىنىڭ ءوزى ماعان كوپ نارسە ۇيرەتتى. ءىستى جۇرگىزۋ فورماسى, رەگلامەنتى, قۇرىلىمى, ءتۇرلى فورماتى… قازىر وسىنىڭ ءبارى مەنىڭ "Dana soz" شەبەرحاناسىنداعى دارىستەرىمە كەرەكتى تاپتىرمايتىن ماتەريال بولدى. ليمون ليمونادقا اينالدى دەگەن وسى! – دەپ جازدى جۋرناليست.
ەسكە سالايىق, جۋرناليست تۇرمىستاعى زورلىق-زومبىلىققا ۇشىراعانىن ايتقان ەدى.
- ايەلدەرگە قارسى زورلىق-زومبىلىق تاقىرىبى مەنى دە اينالىپ وتپەدى. جابىرلەنۋشىنىڭ ورنىندا بولىپ, سوت زالىندا تۇرامىن دەگەندى كىم بىلگەن؟! قيىندىق كىمدە جوق. مەن دە مويىماي, باستىسى دەنساۋلىعىم مەن جۇمىسىمنان ايىرماسىن” دەگەن ەدىم. الايدا مورالدىق-پسيحولوگيالىق قىسىم الدىمەن دەنساۋلىعىما كەرى اسەرىن تيگىزدى. سودان كەيىن تۆ-دا جۇمىس ىستەي المايتىن جاعدايعا جەتتىم. باسشىعا ءوزىم بارىپ, جۇمىستان كەتەتىنىمدى ايتتىم. ويتكەنى تۇسكە دەيىن تەرگەۋشىنىڭ الدىندا, تۇستەن كەيىن تىكەلەي ەفيردە جۇمىس ىستەۋگە جاراماي قالدىم, – دەپ جازدى ەكس-دەپۋتات.
