فوتو: renaissance-clinics.com
ءىىم مالىمەتىنشە, قازاقستاندا ەسىرتكى زەرتحانالارى سانىنىڭ ءوسۋى بايقالادى. وسى جىلدىڭ جەتى ايىندا پوليتسيا تەك سينتەتيكالىق ەسىرتكى ءوندىرۋدى جولعا قويعان 24 جاسىرىن ەسىرتكى زەرتحاناسىن جويعان. تەك الماتىدا وسىنداي 11 فاكت انىقتالدى. Eكىنشى ورىندى الماتى وبلىسى يەلەندى, وندا پوليتسەيلەر جەتى زاڭسىز سينتەتيكالىق ەسىرتكى ءوندىرىسىن جويدى. ەسىرتكى وندىرۋشىلەردەن 200 كگ-نان استام «سينتەتيكا» جانە ەكى توننادان استام پرەكۋرسور تاركىلەندى.
سوڭعى ەكى اپتادا الماتىدا ەكى ەسىرتكى زەرتحاناسى جويىلدى. شىلدە ايىنىڭ سوڭىندا ءۇش استانالىق تۇرعىن ۇستالدى. ولار 800 مىڭ تەڭگەگە ءۇي جالداپ, وندا مەفەدرون ءوندىرىسىن ۇيىمداستىرعان. بارلىق جابدىقتار مەن حيميالىق زاتتارعا قاشىقتان تاپسىرىس بەرگەن. كۇدىكتىلەردەن 20 كگ دايىن ەسىرتكى, 250 ليتر پرەكۋرسور مەن حيميالىق جابدىقتار تاركىلەندى.
ون كۇننەن كەيىن پوليتسەيلەر ەسىرتكى ساقتادى دەگەن كۇدىكپەن 23 جاستاعى الماتىلىق تۇرعىندى ۇستادى. ول تۇرعان ءۇيدىڭ توبەسىن ءتىنتۋ كەزىندە مەفەدرون, پرەكۋرسور, تىنىس الۋ ماسكاسى, ەسىرتكى سينتەزىنە ارنالعان جابدىق تاركىلەندى.
«بۇگىندە ەسىرتكى وندىرىسىندە قولدانىلاتىن حيميالىق جابدىقتاردىڭ اينالىمى ءۇشىن قىلمىستىق جاۋاپكەرشىلىك ەنگىزىلگەن», دەپ ناقتىلادى ۆەدومستۆو.
سونىمەن قاتار ەسىرتكىنى تاراتقانى ءۇشىن جازا مەرزىمدەرىن قىسقارتىپ, ولاردى وندىرگەنى ءۇشىن جاۋاپكەرشىلىكتى كۇشەيتۋ بويىنشا ازاماتتار قۇرعان ەكى پەتيتسيا قاراۋعا الىندى.
