فوتو:اشىق دەرەككوز
مينيسترلىكتىڭ حابارلاۋىنشا, بۇگىندە جەرگىلىكتى اتقارۋشى ورگانداردىڭ ءوتىنىشى بويىنشا ۇزىنكول, بۋرەۆەستنيك, پولتاۆسكوە جانە ەگىندىكول اۋىلدارىن جاڭا سۋ تورابىنا قوسۋ جۇمىسى جۇرگىزىلىپ جاتىر. جاقىن ارادا بۇل جۇمىستار اياقتالادى. وسىعان دەيىن توپتىق سۋ قۇبىرىنا جانتەكە جانە توعاناس اۋىلدارى قوسىلعان ەدى.
سونىمەن قاتار ودان كەيىن سۋ قۇبىرىنىڭ ۇزىنكول اۋىلىنان ەگىندىكول اۋىلىنا دەيىنگى بولىگىن اياقتاپ, قولدانىسقا بەرۋ جوسپارلانعان.
ەسكە سالا كەتەيىك, وسىعان دەيىن نۇرا توپتىق سۋ قۇبىرىنىڭ باس قۇرىلىستارىنان ۇزىندىعى 36 شاقىرىم بولاتىن ۇزىنكول اۋىلىنا دەيىنگى ۋچاسكەدە سۋ بەرىلە باستاعان ەدى.
«جوبالاۋ-سمەتالىق قۇجاتتاماعا ساي سۋ قۇبىرىنىڭ نەگىزگى بولىگىن توسەۋ جۇمىستارى اياقتالدى. نۇرا توپتىق سۋ قۇبىرىن رەكونسترۋكتسيالاۋ ەرەكشە باقىلاۋعا الىندى. سۋ شارۋاشىلىعى كوميتەتىنىڭ ماماندارى ۇنەمى قۇرىلىس الاڭىنا بارىپ, جۇمىستاردىڭ ورىندالۋىن قاداعالايدى. بيىل 1,4 ملن تۇرعىندى اۋىز سۋمەن قامتۋ ساپاسىن جاقسارتۋ ءۇشىن توپتىق سۋ قۇبىرلارىن سالۋ جانە رەكونسترۋكتسيالاۋ بويىنشا 30 جوبا ىسكە اسىرىلىپ جاتىر», دەدى سۋ رەسۋرستارى جانە يرريگاتسيا مينيسترلىگى سۋ شارۋاشىلىعى كوميتەتىنىڭ توراعاسى ارسەن جاقانباەۆ.
