فوتو: senate.parlam.kz
سەناتور الدىمەن تۇرار رىسقۇلوۆ اۋدانىندا بولدى. قايىڭدى اۋىلىنداعى فەلدشەرلىك-اكۋشەرلىك پۋنكتىنىڭ, اقىرتوبە اۋىلىنداعى مادەنيەت ءۇيىنىڭ, مالدىباي اۋىلىنداعى مەكتەپتىڭ, سونداي-اق جاڭاتۇرمىس اۋىلىنداعى دەنە شىنىقتىرۋ-ساۋىقتىرۋ كەشەنى مەن مادەنيەت ءۇيىنىڭ قۇرىلىسىمەن تانىستى.
ب.ورىنبەكوۆ جۇمىستاردى ساپالى جانە ۋاقتىلى اياقتاۋدىڭ ماڭىزدىلىعىن اتاپ ءوتتى. ول جاڭا مەديتسينالىق, ءبىلىم بەرۋ, مادەني جانە سپورتتىق نىساندار جەرگىلىكتى تۇرعىنداردىڭ ءومىر ءسۇرۋ ساپاسى مەن قىزمەتتەردىڭ قولجەتىمدىلىگىن جاقسارتۋدا شەشۋشى ءرول اتقاراتىنىنا توقتالدى. بۇل جوبالار حالىقتىڭ دەنساۋلىعىن نىعايتۋ, ءبىلىم دەڭگەيىن ارتتىرۋ جانە مادەني دامۋدى قولداۋ ارقىلى ايماقتىڭ جان-جاقتى دامۋىنا زور ىقپال ەتەدى.
«سەنات دەپۋتاتتارى ەل ومىرىندە شەشۋشى ءرول اتقاراتىن ماڭىزدى زاڭداردى قابىلداپ كەلەدى, سونداي-اق بۇرىن قابىلدانعان زاڭنامالىق اكتىلەرگە تۇزەتۋلەر ەنگىزەدى. زاڭدار مەن وزگە دە قۇقىقتىق اكتىلەردىڭ ىسكە اسىرىلۋىنا مونيتورينگ جۇرگىزۋ ماقساتىندا ولاردىڭ قاجەتتى ستاندارتتارعا سايكەستىگىنە كوز جەتكىزۋ ءۇشىن قۇرىلىس جۇمىسىنىڭ بارىسىن زەردەلەيمىز. قۇرىلىستىڭ ساپالى جۇرگىزىلۋى جانە جاۋاپتى تۇلعالاردىڭ وسى جوبالاردىڭ ورىندالۋىنا باقىلاۋدى كۇشەيتۋى اسا ماڭىزدى. اۋىل تۇرعىندارىنىڭ ۇسىنىستارى مەن پىكىرلەرىن مۇقيات ەسكەرىپ, ولارعا بەرىلگەن ۋادەلەردى ساقتاۋ كەرەك», دەدى ب.ورىنبەكوۆ.
دەپۋتات مەركى اۋدانىندا بولىپ, اقتوعان اۋىلىنداعى تىلەمىس باتىر اتىنداعى №4 جالپى ءبىلىم بەرەتىن مەكتەپتىڭ, مىڭقازان اۋىلىنداعى №30 مەكتەپتىڭ, ويتال اۋىلدىق وكرۋگىندەگى №48 مەكتەپتىڭ قۇرىلىسىمەن تانىستى. ول سونداي-اق رىسقۇلوۆ اۋىلىندا دارىگەرلىك امبۋلاتوريا قۇرىلىسىن دا كوردى.
