فوتو: اشىق دەرەككوز
تۇركيانىڭ Birgün باسىلىمى مۇنداي شەشىمگە الەۋمەتتىك جەلىنىڭ يراندا پالەستينالىق حاماس قوزعالىسى جەتەكشىلەرىنىڭ ءبىرى يسمايل حانيەنىڭ قازاسىنا بايلانىستى كوڭىل ايتۋدى بۇعاتتاۋى سەبەپ بولۋى مۇمكىن دەپ جازدى.
تۇركيا پرەزيدەنتى اكىمشىلىگىنىڭ كوممۋنيكاتسيالار ءبولىمىنىڭ باسشىسى فاحرەتتين التۋن Instagram-نىڭ مۇنداي ارەكەتىن «تسەنزۋرا» دەپ اتاعان. وسىدان كەيىن تۇركيانىڭ اقپاراتتىق تەحنولوگيالار جانە كوممۋنيكاتسيالار باسقارماسى الەۋمەتتىك جەلىگە كىرۋگە تىيىم سالعان.
«الەۋمەتتىك جەلىگە كىرۋگە تىيىم سالۋدىڭ نەلىكتەن ەنگىزىلگەنى جانە ونىڭ قانشا ۋاقىتقا سوزىلاتىنى تۋرالى ءالى تۇسىنىكتەمە بەرىلگەن جوق», دەپ حابارلادى باسىلىم.
بۇگىندە تۇركياداعى تانىمال رەسۋرسقا كومپيۋتەرلەر مەن ءموبيلدى قۇرىلعىلار ارقىلى كىرۋ مۇمكىن ەمەس.
ايتا كەتەيىك, 85 ميلليون حالقى بار تۇركيادا Instagram قولدانۋشىلارىنىڭ سانى 50 ميلليوننان اسادى.
