قازاق تىلىندە جاساندى ينتەللەكت ونىمدەرى ازىرلەنەدى

ونىڭ ايتۋىنشا, بۇل قادام ەلىمىزدىڭ جي سالاسىنداعى ۇستانىمىن ەداۋىر كۇشەيتۋگە جانە جاڭا تەحنولوگيالاردىڭ دامۋىنا ىقپال ەتۋگە باعىتتالعان.

Qaz.AI قاۋىمداستىعى قازاقستانداعى تەحنولوگيالىق كومپانيالاردى بىرىكتىرىپ, ءبىلىم مەن تاجىريبە الماسۋ پلاتفورماسى رەتىندە قىزمەت ەتەدى. قاۋىمداستىق قۇرىلعان ساتتەن باستاپ جي سالاسىنداعى ۇلتتىق دامۋ مەن وپەراتسيالىق جۇيەلەردەگى وزگەرىستەردى رەتتەۋمەن اينالىسىپ كەلەدى. 31 شىلدە كۇنى قاۋىمداستىق ماستەر-كلاسس وتكىزىپ, جاساندى ينتەللەكتىنى قوعامدا قالاي قولدانۋعا بولاتىنىن ءتۇسىندىردى. سونداي-اق وقۋ بارىسىندا قاتىسۋشىلار جاساندى ينتەللەكتكە بايلانىستى ءتۇرلى ماسەلەلەر مەن مۇمكىندىكتەر تۋرالى تالقىلاپ,  بىلىمدەرىن تەرەڭدەتە ءتۇستى.

كەزدەسۋ بارىسىندا Qaz.AI جاساندى ينتەللەكتىنى دامىتۋ قاۋىمداستىعى Yandex Qazaqstan-نىڭ جاڭا مۇشە رەتىندە قوسىلعانى تۋرالى حابارلادى. باسشىلىقتىڭ ايتۋىنشا, قازاقستاندا بۇل سەرىكتەستىك جي ەنگىزۋدى جىلدامداتادى. سونداي-اق سالاداعى نەگىزگى باستامالار بويىنشا جۇمىستار اتقارىلادى.

«Yandex Qazaqstan-نىڭ  قاۋىمداستىققا قوسىلعانىنا قۋانىشتىمىز. تاجىريبەلى, اۋقىمدى ساراپتاماسى بار Yandex Qazaqstan سياقتى ءىرى كومپانيانىڭ مۇشەلىك ەتۋى ءبىزدىڭ مۇمكىندىكتەرىمىزدى ايتارلىقتاي ارتتىرادى. يننوۆاتسيالاردى ىلگەرىلەتۋگە جانە ەلىمىز ءۇشىن نەگىزگى باستامالاردى قولداۋعا كومەكتەسە وتىرىپ, قازاقستاندا ۇلتتىق جاساندى ينتەللەكتىنى دامىتۋ باعىتىندا قىزمەت ەتەمىز», دەدى قازاقستانداعى جي دامىتۋ قاۋىمداستىعىنىڭ توراعاسى باقىتجان ەشمۇحامبەتوۆ.

Yandex Qazaqstan قازاق تىلىندە جي-ونىمدەرىن دايىنداۋعا ينۆەستيتسيا سالىپ جاتىر. ازىرلەنگەن جۇمىستارىن اتاپ وتەر بولساق, ۆيرتۋالدى كومەكشى – اليسا, ىزدەۋ مۇمكىندىكتەرى مەن ۇلكەن گەنەراتيۆتى مودەلدەردى بىرىكتىرگەن نەيرو قىزمەتى, ول ينتەرنەتتەگى بارلىق  اقپاراتتى تالدايدى. سونداي-اق اقپاراتتىق دەرەككوزدەردى سىلتەمەلەرمەن سىيىمدى جاۋاپقا جينايدى. بەلگىلى ۋاقىت رەجيمىندە جازىلعان ءماتىندى اۋدارۋعا كومەكتەسەتىن اقىلدى كامەرانى دا اتاپ وتۋگە بولادى, ىزدەۋ جولاعىنىڭ استىندا پايدا بولاتىن جىلدام جاۋاپتار پايدالانۋشىلاردىڭ ايىنا 15 مىڭ ساعاتىن ۇنەمدەيدى. سونداي-اق ۆيدەونى قازاق تىلىنە اۋدارۋعا, دىبىستىق جولدى تالداۋعا جانە گرامماتيكالىق ەرەكشەلىكتەرىن ەسكەرۋگە مۇمكىندىك بەرەتىن ياندەكس براۋزەرىندەگى ۆيدەونىڭ نەيروجەلىلىك اۋدارماسى جۇمىس ىستەيدى.

2024 جىلعى شىلدەدە پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا 2024-2029 جىلدارعا ارنالعان جي دامىتۋ تۇجىرىمداماسى بەكىتىلدى. قۇجات ەكونوميكانىڭ ءارتۇرلى سالالارىنا جي تەحنولوگيالارىن ەنگىزۋدى جانە 2029 جىلعا قاراي جي ونىمدەرىنىڭ سانىن بەس ەسەگە ارتتىرۋدى كوزدەيدى. سونىمەن قاتار بىلىكتى مامانداردى دايارلاۋ ءۇشىن جي بويىنشا ءبىلىم بەرۋ باعدارلامالارىن كەڭەيتۋ جانە ەكونوميكادا مۋلتيپليكاتيۆتىك اسەر جاساۋ ءۇشىن وتاندىق كومپانيالاردىڭ قاجەتتىلىكتەرىن ەسەپكە الۋ جوسپاردا بار.

بۇل باستامالاردى Qaz.AI قاۋىمداستىعى Yandex Qazaqstan قىزمەتىنىڭ قولداۋىمەن جۇزەگە اسىرماق. قازاقستانعا جاساندى ينتەللەكت سالاسىندا كوشباسشى پوزيتسيالاردى الۋعا جانە ۇلتتىق يننوۆاتسيالىق ەكوجۇيەنى نىعايتۋعا كومەكتەسەدى.