فوتو: gov.kz
تاراز قالاسى پروكۋراتۋراسى ۇستالعان كۇدىكتى رەسەي فەدەراتسياسىنىڭ «ر» ەسىمدى ازاماتى ەكەنىن مالىمدەدى. ول وسى جىلدىڭ ءساۋىر-مامىر ايىندا سىبايلاستارىمەن بىرگە ازاماتتاردىڭ سەنىمىنە كىرىپ, ءارتۇرلى نومىرلەردەن قوڭىراۋ شالىپ, «ەكىنشى دەڭگەيدەگى بانكتەردىڭ قاۋىپسىزدىك قىزمەتىنىڭ جۇمىسكەرلەرى» جانە «قۇقىق قورعاۋ ورگاندارىنىڭ قىزمەتكەرلەرى» رەتىندە تانىستىرىپ, الاياقتار جابىرلەنۋشىنىڭ اتىنان نەسيە الماقشى ەكەنىن ايتقان.
ۇستالعان كۇدىكتى وسى سحەمامەن «WhatsApp» الەۋمەتتىك جەلىسىنىڭ بەينەبايلانىسى ارقىلى زاڭسىز ارەكەت جاساپ وزگەنىڭ اتىنان نەسيە رەسىمدەگەن. ونىڭ جابىرلەنۋشىلەرگە كەلتىرگەن شىعىنى 19 ميلليون تەڭگەنى قۇراعان.
كۇدىكتى مەملەكەتتىك شەكارا بەكەتىنەن قىرعىز رەسپۋبليكاسىنا قاراي ءوتۋ كەزىندە ۇستالدى.
قازىر تەرگەۋ امالدارى ءجۇرىپ جاتىر.
