فوتو: اقوردا
الماسادام ساتقاليەۆ ەلىمىزدىڭ وتىن-ەنەرگەتيكا كەشەنىنىڭ بيىلعى ءبىرىنشى جارتىجىلدىقتاعى دامۋى جونىندە بەرگەن ەسەبىندە وسى ۋاقىت ارالىعىندا 44,7 ميلليون توننا مۇناي وندىرىلگەنىن, مۇناي ونىمدەرىنىڭ ءوندىرىسى 6,78 ميلليون توننانى قۇراعانىن, سونداي-اق 30,1 ميلليارد تەكشە مەتر گاز ءوندىرىلىپ, ەلەكتر قۋاتىن ءوندىرۋ كولەمى 60,4 ميلليارد كۆت/ساعاتقا جەتكەنى تۋرالى ايتتى.
سونىمەن قاتار مينيستر, ۆەدومستۆونىڭ تۇتىنۋشىلاردى ەلەكتر قۋاتىمەن جانە جىلۋمەن تۇراقتى قامتاماسىز ەتۋگە باعىتتالعان ءىرى ينۆەستيتسيالىق جوبالاردى ىسكە اسىرۋ جوسپارى جونىندە مالىمەت بەرىپ, جاڭارتىلاتىن ەنەرگيا كوزدەرىن دامىتۋ شارالارى تۋرالى باياندادى.
كەزدەسۋ سوڭىندا مەملەكەت باسشىسى جىلىتۋ ماۋسىمىنا دايىندىق بويىنشا ءتيىستى جۇمىستاردى جۇرگىزۋدى جانە ىشكى نارىقتى مۇناي ونىمدەرىمەن قامتاماسىز ەتۋدى تاپسىردى.
