فوتو:اشىق دەرەككوز
YDD كورپوراتسياسىنىڭ مالىمەتىنشە, بالقىتۋ تسەحىنىڭ سلەسارى دميتري ادامچۋك پەن باس مەحانيك قىزمەتىنىڭ بريگاديرى تولەگەن جەتپىسباەۆ تۇندە اۋرۋحانادا قايتىس بولعان.
«1981 جانە 1987 جىلى تۋعان ناۋقاستار ەسىن جيماي كوز جۇمدى. دارىگەرلەر ولاردىڭ ءومىرىن ساقتاپ قالۋ ءۇشىن سوڭىنا دەيىن كۇرەستى. وكىنىشكە قاراي, ەكى ناۋقاستى امان الىپ قالۋ مۇمكىن بولمادى», دەيدى دارىگەرلەر.
بۇعان دەيىن تەحنولوگ ەرۇلان قازكەننىڭ قايتىس بولعانىن حابارلاعان ەدىك.
ايتا كەتەيىك, ەكى كۇن بۇرىن قاراعاندى فەرروقورىتپا زاۋىتىنىڭ پەش باستىعى, 30 جاستاعى مۋزاففار يسمايلوۆ قايتىس بولعان ەدى. ونىڭ دەنەسىنىڭ 85%-ىن كۇيىك شالعان.
قاراعاندى فەرروقورىتپا زاۋىتىنداعى اپات سالدارىنان قازا بولعاندار سانى ءتورت ادامعا جەتتى.
HID Corporation جەرلەۋ ءراسىمىن ۇيىمداستىرۋ, اس بەرۋ جانە مازار/ەسكەرتكىش ورناتۋ بويىنشا بارلىق شىعىنداردى ءوز موينىنا العان, سونداي-اق كومپانيا كوز جۇمعان قىزمەتكەرلەردىڭ وتباسىلارىنا بارلىق قاجەتتى قولداۋدى كورسەتەتىنىن حابارلاعان.
ەسكە سالايىق, 20 شىلدەدە № 1 زاۋىت پەشىندە كەنەتتەن جالىن شىعىپ, سالدارىنان كاسىپورىننىڭ 8 قىزمەتكەرى زارداپ شەككەن ەدى.
