سوتتا 2023 جىلدىڭ قاراشاسىنان 2024 جىلدىڭ ساۋىرىنە دەيىنگى ۋاقىت ارالىعىندا س. ءوزىنىڭ بۇرىنعى ايەلىن جۇيەلى تۇردە ۇرىپ-سوعىپ, باسقا دا زورلىق-زومبىلىق ارەكەتتەرى ارقىلى فيزيكالىق جانە پسيحيكالىق ازاپ كەلتىرگەن. سونىمەن قاتار, 2024 جىلدىڭ 4 ساۋىرىندە ول ايەلگە ادەيى زيان كەلتىردى. سوت-مەديتسينالىق ساراپتاماسىنىڭ قورىتىندىسى بويىنشا, جابىرلەنۋشىنىڭ دەنساۋلىعىنا ورتاشا زيان كەلتىرىلىپ, وڭ جاقتاعى 2,3,4-بەل ومىرتقاسىنىڭ جابىق سىنۋى تۇرىندەگى دەنە جاراقاتتارى انىقتالعان.
پروكۋرور قىلمىستىق-اتقارۋ جۇيەسى مەكەمەسىندە قىلمىستار جيىنتىعى بويىنشا بارىنشا قاۋىپسىزدىك مەكەمەسىندە 2 جىلعا باس بوستاندىعىنان ايىرۋ تۇرىندەگى تۇپكىلىكتى جازانى تاعايىنداۋدى سۇرادى. ويتكەنى س. بۇل قىلمىستى بۇرىن جاسالعان اۋىر قىلمىس ءۇشىن وتەلمەگەن سوتتىلىق كەزىندە جاساعان.
سوتتالۋشى كىناسىن تولىق كولەمدە مويىنداعان جوق. ال جابىرلەنۋشى ب. جازانى سوتتىڭ قاراۋىنا قالدىردى.
- وتەلمەگەن سوتتىلىعى, جاسالعان قىلمىستاردىڭ سيپاتى مەن قوعامدىق قاۋىپتىلىك دارەجەسى بار س.-نىڭ جەكە باسىن, كىنانى جەڭىلدەتەتىن جانە اۋىرلاتاتىن ءمان-جايلاردىڭ جوقتىعىن, جابىرلەنۋشى ب.-نىڭ وتەلمەگەن زالالىنىڭ بولۋىن ەسكەرە وتىرىپ, سوت 2 جىلعا باس بوستاندىعىنان ايىرۋ تۇرىندەگى جازانى تاعايىندادى, – دەلىنگەن سوت حابارلاماسىندا.
سوتتالعان س.-دان جابىرلەنۋشى ب.-نىڭ پايداسىنا مورالدىق زياندى وتەۋ ەسەبىنەن 3 ملن تەڭگە ءوندىرىلدى.
ۇكىم زاڭدى كۇشىنە ەنگەن جوق.
