پوليتسيا دەپارتامەنتىنىڭ "پاتريوت" ارناسىنا بەرگەن مالىمەتىنە سەنسەك, ولار بىلتىر ماۋسىم ايىندا جانۋارلاردى حايۋاناتتار باعىنىڭ اۋماعىنان شىعارىپ, التى ميلليون تەڭگەگە ساتۋعا تىرىسقان. تۋعاننان باستاپ ءبىر ايلىق كىشكەنتاي ارىستاندار كارتون قوراپتا بولعان. قازىبەك بي اۋداندىق سوتىنىڭ سوتتالۋشىلار ورىندىعىندا قاراعاندى مەملەكەتتىك حايۋاناتتار باعى ديرەكتورىنىڭ ورىنباسارى جانە ەكى قىزمەتكەرى وتىر.
سوتتالۋشىلارعا قىلمىستىق كودەكستىڭ ەكى بابى سايكەس, ياعني 339-باپ "سيرەك كەزدەسەتىن جانە قۇرىپ كەتۋ قاۋپى تونگەن جانۋارلاردى زاڭسىز ۇستاۋ" جانە 188-باپ "ۇرلىق, ياعني بوتەننىڭ مۇلكىن جاسىرىن ۇرلاۋ" بويىنشا ايىپ تاعىلدى.
سوت وتىرىسىنىڭ ءبىرىنشى كۇنى سوتتالۋشىلار ءارتۇرلى ۇستانىمداردى ايتىپ, بىرەۋى كىنانى ءىشىنارا مويىندادى. ال ەكىنشىسى كىناسىن مۇلدە مويىندامادى.
بارلىق ءۇش سوتتالۋشىعا قاتىستى قاماۋعا الۋمەن بايلانىستى ەمەس بۇلتارتپاۋ شاراسى تاعايىندالدى.
ال حايۋاناتتار باعىنىڭ ديرەكتورىنىڭ ءىسى بويىنشا "كۋاگەر" مارتەبەسىندە وتەدى. بۇعان دەيىن حايۋاناتتار باعىنىڭ جۇمىسىنا جەتەكشىلىك ەتەتىن قاراعاندى مادەنيەت جانە تىلدەردى دامىتۋ ءبولىمىنىڭ باسشىسى حايۋاناتتار باعىنىڭ ديرەكتورى بۇل مامىلە تۋرالى بىلمەگەنىن جانە بۇل وقيعاعا ەشقانداي قاتىسى جوق ەكەنىن ايتقان كورىنەدى.
وبەكتيۆتىلىك ءۇشىن سۋديا ارعىن قۇتىشەۆ ايىپتالۋشىلاردىڭ ادۆوكاتىنىڭ ءوتىنىشى بويىنشا حايۋاننىڭ ناقتى قۇنىن انىقتاۋ ءۇشىن ساراپشى گۇلنار مۇقانوۆانى شاقىردى. ءوتىنىش قاناعاتتاندىرىلىپ, ساراپشى مۇقانوۆا ارىستان تولدەرىنىڭ قۇنىن ساراپتاپ, ساراپتاما قورىتىندىسىن دايىنداۋعا كىرىستى.
