شىۇ ەلدەرى مۇناي-گاز سالاسى, ەلەكتر ەنەرگەتيكاسى, جاڭارتىلاتىن جانە تومەن كومىرتەكتى ەنەرگيا كوزدەرى, اتوم ەنەرگياسىن بەيبىت ماقساتتاردا پايدالانۋ, كومىر ونەركاسىبى, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سياقتى نەگىزگى باعىتتار بويىنشا ىنتىماقتاستىقتى تەرەڭدەتىپ, تاجىريبە الماسۋدى كوزدەيدى.
قۇجاتتا شىۇ-عا مۇشە مەملەكەتتىڭ اۋماعىندا وندىرىلەتىن مۇناي مەن گاز رەسۋرستارى ءبىرىنشى كەزەكتە ىشكى قاجەتتىلىكتەرىن قامتاماسىز ەتۋگە نەگىزدەلەتىنى اتاپ وتىلگەن. بۇدان باسقا, ستراتەگيا ترانزيتتىك الەۋەتتى دامىتۋدى, ەكسپورتتىق باعىتتاردى ءارتاراپتاندىرۋ مۇمكىندىگىن قاراۋدى, مۇناي-گاز تاسىمالداۋ ينفراقۇرىلىمىنىڭ قاۋىپسىزدىگى مەن سەنىمدىلىگىن ارتتىرۋعا جاردەمدەسۋدى ماقسات ەتەدى.
ۇيىمعا قاتىسۋشىلار سونداي-اق مۇناي-گاز حيمياسى ونىمدەرىن قوسا العاندا, كومىرسۋتەكتەر نەگىزىندە ونىمدەر ءوندىرۋ بويىنشا بىرلەسكەن جوبالار جاساۋعا مۇددەلى. تاراپتار شىۇ كەڭىستىگىندەگى ەلەكتر قۋاتى ينفراقۇرىلىمىنىڭ مۇمكىندىكتەرىن, سونداي-اق ءارتۇرلى ەنەرگيا كوزدەرىن ينتەگراتسيالاۋ, وڭىرلىك ەلەكتر ەنەرگياسى نارىقتارىن قالىپتاستىرۋدى تەحنولوگيالىق مۇمكىندىكتەر شەڭبەرىندە دامىتۋ مۇمكىندىكتەرىن زەردەلەۋگە نيەتتى. سونداي-اق ەلدەر وتىننىڭ جاڭا تۇرلەرى سەكتورىنداعى ىنتىماقتاستىقتى كەڭەيتۋ ماسەلەسىن قاراستىرۋعا كەلىسكەن.
بۇدان باسقا, شىۇ-عا مۇشە مەملەكەتتەردىڭ اتوم ىنتىماقتاستىعى جونىندەگى عىلىمي-تەحنيكالىق ورتالىعىن قۇرۋ مۇمكىندىگى قاراستىرىلماق.
