فوتو: elements.evento
ەنەرگەتيكا مينيسترلىگىنىڭ مالىمتىنشە, 2024 جىلدىڭ قاڭتار-ماۋسىم ايلارىندا 30 ملرد تەكشە مەتر گاز وندىرىلگەن, بۇل جىلدىق جوسپاردىڭ 49,5%-ىن قۇرايدى. گاز ءوندىرۋدىڭ نەگىزگى ءوسىمى قاراشىعاناق, تەڭىز جانە قاشاعان سياقتى ءىرى كەن ورىندارى ەسەبىنەن قاراستىرىلعان.
«2023 جىلى تاۋارلىق گاز ءوندىرۋ كولەمى 29,8 ملرد تەكشە مەتردى قۇرادى. 2024 جىلعا ارنالعان جوسپار 29,8 ملرد تەكشە مەتر بولسا, وندا ءبىرىنشى جارتىجىلدىقتا 14,9 ملرد تەكشە مەتر ءوندىرىلدى, بۇل 2024 جىلعا ارنالعان جوسپاردىڭ 50 پايىزىن قۇرايدى», دەپ ءتۇسىندىردى الماسادام ساتقاليەۆ.
ءمينيستردىڭ ايتۋىنشا, 2023 جىلى تاۋارلىق گازدىڭ جالپى كولەمىنىڭ 19,4 ملرد تەكشە مەترى ىشكى نارىق قاجەتتىلىگىنە جەتكىزىلگەن. 2024 جىلعا ارنالعان بولجامدى تۇتىنۋ كولەمى شامامەن 20,9 ملرد تەكشە مەتردى قۇراعان.
ال 2023 جىلى سۇيىتىلعان مۇناي گازىن ءوندىرۋ كولەمى 1,6 ملن توننانى قۇراعان ەدى. مينيستر 2024 جىلعا ارنالعان جوسپاردىڭ دا وسىنداي ەكەنىن اتاپ ءوتتى. 2024 جىلدىڭ قاڭتار-ماۋسىم ايلارىندا 0,8 ملن توننا سۇيىتىلعان مۇناي گازى وندىرىلگەن.
