ەلوردادا جاڭا ادامداردىڭ ءبىرىنشى جاستار كونۆەنتى باستالدى

كونكۋرستىق ىرىكتەۋ ناتيجەلەرىنە قاراعاندا, ۇمىتكەرلەردىڭ جارتىسى عانا كونۆەنتكە بيلەت الدى. وسىلايشا, بۇگىن, 13 شىلدەدە ەلوردادا ەلىمىزدىڭ 20 وڭىرىنەن كەلگەن 7 مىڭنان استام قاتىسۋشى ءبىر-بىرىمەن تانىسىپ, قازاقستانداعى ەڭ ۇزدىك ازاماتتىق ناۋقانداردى تاڭداۋ ءۇشىن جينالدى.

كونۆەنتتىڭ باستى ەرەكشەلىگى - جاپپاي تانىستىقتار. بەرىك كولدەنەڭ بايلانىس ورناتۋ ءۇشىن قاتىسۋشىلارعا دوستار «ماينينگىنە» ارنالعان بىرەگەي ءموبيلدى قوسىمشا جانە كونۆەنتتىڭ ارنايى ىشكى ۆاليۋتاسى - DOS_coin ۇسىنىلدى, ونى ءىس-شارانىڭ 15 الاڭىنان الۋعا بولادى. الىنعان مونەتالاردى كونۆەنت تاۋارلارىنا, ساراپشىلاردىڭ جەكە شەبەرلىك ساباقتارىنا, تانىمال وتاندىق برەندتەردىڭ كيىمدەرىنە جانە باسقا دا باعالى سىيلىقتارعا ايىرباستاۋعا بولادى.

ايتا كەتەيىك, كۇنى بويى كونۆەنت الاڭىندا «زناكومات» چەللەندجدەرى ءوتتى. 

كونۆەنتتىڭ باستى ءىس-شاراسى «اكتسيونيستتەر جارىسى» بولدى. جاڭا ادامداردىڭ 12 بىرەگەي ازاماتتىق ناۋقانى قاتىسۋشىلاردىڭ داۋىسى مەن باس جۇلدە – وڭىرلەردە جوبالارىن دامىتۋعا ارنالعان ماقساتتى گرانت ءۇشىن جارىسقان ەدى. جارىسقا قاتىسۋشىلاردىڭ اراسىندا زاڭسىز قوقىس الاڭدارىمەن, بۇزاقىلىقپەن, دۇكەندەردە مەرزىمى وتكەن تاۋارداردى ساتۋمەن, ايەلدەرگە كورسەتىلەتىن زورلىق-زومبىلىقپەن, قۇمار ويىندارعا تاۋەلدىلىكپەن, كامەلەتكە تولماعاندارعا ىشىمدىك ساتۋمەن جانە ت.ب. كۇرەسەتىن ازاماتتىق ناۋقاندار دا بار.

كونۆەنت اۋماعىندا كۇنى بويى بىرەگەي مازمۇندى جانە تانىمال سپيكەرلەردىڭ قاتىسۋىمەن دارىستەر وتكىزىلەدى. دەمەك, اركىم وزىنە جاقىن دۇنيەنى تابا الادى: ءبىلىم ايماعى, تيكتوك ايماعى, ۇزدىكتەر, تاماقتانۋ, بي, streetart, مۋزىكا, گيك مادەنيەتى جانە ستيل ايماقتارى. سپورت سۇيەر قاۋىمعا فۋتبول, كۇرەس, streetball, skateboarding/bmx جانە workout ايماقتارى قىزىق بولۋى مۇمكىن. كونۆەنت سوڭىندا Ninety One, Dequine, Aikyn, BONAPART جانە ارنايى قۇپيا قوناق ونەر كورسەتەتىن گالا-كونتسەرت وتەدى.

«تۇتاس حالىق بولىپ بىرگە بولۋدى ۇيرەنۋ – ونەر. ال بۇل فاكۋلتەت ازىرگە ەشبىر ۋنيۆەرسيتەتتە جوق. بۇگىن ءبىز ءبىرىنشى كىشكەنتاي تاپسىرمانى ورىنداعىمىز كەلەدى - ءبارىن ءبىر-بىرىمەن تانىستىرۋ, وسىلايشا سەندەردىڭ قارىم-قاتىناستارىڭ جانە دوستىقتارىڭ باستالىپ, جىلدار بويى ارالارىڭدى بولەتىن كەز كەلگەن قاشىقتىققا قاراماستان سويلەسۋگە مۇمكىندىك بەرەدى. ال ءبىزدىڭ بۇكىل قازاقستانمەن كەزدەسۋلەرىمىز جىل سايىنعى ءداستۇر بولىپ, جاڭا مەرەكەگە اينالعانىن قالايمىز», دەيدىجاڭا ادامدار كوشباسشىسى اسەل بادەنوۆا.